¹ Izwi likaJehova lafika kuJehu indodana kaHanani ngoBahasha, lathi: ² Njengokuba ngakuphakamisa othulini, ngakubeka umbusi wabantu bami u- Israyeli, kepha uhambe endleleni kaJerobowamu , wonisa abantu bami u - Israyeli ukuba bangicunule ngezono zabo, ³ bheka, ngiyakukhukhula nokukhukhula uBahasha nendlu yakhe , ngenze indlu yakho ibe njengendlu kaJerobowamu indodana kaNebati. ⁴ Yena wakwaBahasha ofela emzini uyakudliwa yizinja , nalowo wakwakhe ofela endle uyakudliwa yizinyoni zezulu. ⁵ Ezinye izindaba zikaBahasha , nakwenzayo, namandla akhe , angithi kulotshiwe encwadini yezindaba zemihla ngemihla yamakhosi akwa -Israyeli na? ⁶ UBahasha wayeselala koyise, wembelwa eTirisa; u-Ela indodana yakhe waba yinkosi esikhundleni sakhe. ⁷ Kwafika ngesandla somprofethi uJehu indodana kaHanani izwi likaJehova ngoBahasha nendlu yakhe ngenxa yakho konke okubi akwenza emehlweni kaJehova ukuthi wamcunula ngomsebenzi wezandla zakhe, waba njengendlu kaJerobowamu, nangenxa yokuba wayiqothula. O-Ela noZimri no-Omri no-Ahabi bangamakhosi kwa-Israyeli ⁸ Ngomnyaka wamashumi amabili nesithupha ka -Asa, inkosi yakwaJuda , u- Ela, indodana kaBahash a, waqala ukubusa phezu kuka -Israyeli eTirisa , wabusa iminyaka emibili. ⁹ Inceku yakhe uZimri , induna yenxenye yezinqola zakhe , yamenzela ugobe; eseTirisa ephuzile waze wadakwa endlini ka -Arisa owayephezu kwabendlu yaseTirisa, ¹⁰ uZimri wangena , wamshaya, wambulala ngomnyaka wamashumi amabili nesikhombisa ka-Asa inkosi yakwaJuda, waba yinkosi esikhundleni sakhe. ¹¹ Kwathi esaqala nje ukubusa, esehlezi esihlalweni sakhe sobukhosi, wabulala yonke indlu kaBahasha , kamshiyelanga nomntwana oyedwa owesilisa kwabazalana naye nakubo abangane bakhe. ¹² UZimri waqeda kanjalo yonke indlu kaBahasha , njengezwi likaJehova alikhuluma ngoBahasha ngesandla sikaJehu umprofethi, ¹³ ngenxa yezono zonke zikaBahasha nezono zika -Ela indodana yakhe one ngazo, futhi onise ngazo u -Israyeli, baze bacunula uJehova uNkulunkulu ka- Israyeli ngezithombe zabo. ¹⁴ Ezinye izindaba zika -Ela nakho konke akwenzayo angithi kulotshiwe encwadini yezindaba zemihla ngemihla yamakhosi akwa-Israyeli na? ¹⁵ Ngomnyaka wamashumi amabili nesikhombisa ka -Asa inkosi yakwaJuda, uZimri waba yinkosi izinsuku eziyisikhombisa eTirisa . Abantu base bemisile ngaseGibethoni elalingelamaFilisti. ¹⁶ Abantu ababemisile bezwa kuthiwa : UZimri wenzile ugobe , ubulele nenkosi; ngalokho wonke u -Israyeli wambeka u -Omri induna yempi abe yinkosi phezu kuka-Israyeli ngalolo suku ekamu. ¹⁷ U-Omri wenyuka eGibethoni wonke u-Israyeli enaye, bavimbezela iTirisa. ¹⁸ Kwathi uZimri esebonile ukuthi umuzi uthathiwe , wangena enqabeni yendlu yenkosi, wayishisa indlu yenkosi phezu kwakhe ngomlilo, wafa ¹⁹ ngenxa yezono zakhe one ngazo ngokwenza okubi emehlweni kaJehova , ngokuhamba endleleni kaJerobowamu nasesonweni sakhe asenzayo ukuba onise u-Israyeli. ²⁰ Ezinye izindaba zikaZimri nogobe alwenzayo angithi kulotshiwe encwadini yezindaba zemihla ngemihla yamakhosi akwa-Israyeli na? ²¹ Khona abantu bakwa -Israyeli bahlukana kabili ; inxenye yabantu yalandela uThibini, indodana kaGinati , ukuba bambeke inkosi , inxenye yalandela u - Omri. ²² Kepha abantu ababemlandela u -Omri bahlula abantu ababemlandela uThibini indodana kaGinati; wayesefa uThibini, u-Omri waba yinkosi. ²³ Ngomnyaka wamashumi amathathu nanye ka-Asa inkosi yakwaJuda u-Omri waba yinkosi phezu kuka -Israyeli, wabusa iminyaka eyishumi nambili ; wabusa iminyaka eyisithupha eTirisa. ²⁴ Wathenga intaba yaseSamariya kuShemere ngamatalenta amabili esiliva , wakha entabeni, waqamba igama lomuzi awakhileyo ngegama likaShemere umninintaba ngokuthi iSamariya. ²⁵ Kepha u -Omri wenza okubi emehlweni kaJehova , wenza kabi kunabo bonke ababe ngaphambi kwakhe. ²⁶ Ngokuba waham ba ezindleleni zonke zikaJerobowamu , indodana kaNebati, nasezonweni zakhe onisa ngazo u -Israyeli, baze bacunula uJehova uNkulunkulu ka-Israyeli ngezithombe zabo. ²⁷ Ezinye izindaba zika -Omri azenzayo namandla awabonakalisayo angithi kulotshiwe encwadini yezindaba zemihla ngemihla yamakhosi akwa -Israyeli na? ²⁸ U-Omri wayeselala koyise, wembelwa eSamariya; u-Ahabi, indodana yakhe, waba yinkosi esikhundleni sakhe. ²⁹ U-Ahabi, indodana ka -Omri, waqala ukubusa phezu kuka -Israyeli ngomnyaka wamashumi amathathu nesi shiyagalombili ka -Asa; u-Ahabi, indodana ka -Omri, wabusa phezu kuka -Israyeli eSamariya iminyaka engamashumi amabili nambili. ³⁰ Kepha u -Ahabi, indodana ka -Omri, wenza okubi emehlweni kaJehova kunabo bonke ababe ngaphambi kwakhe. ³¹ Kwathi lapho kuyinto elula kuye ukuhamba ezonweni zikaJerobowamu , indodana kaNebati , wathatha u -Izebeli, indodakazi ka -Etibali inkosi yamaSidoni, abe ngumkakhe, waya wakhonza uBali, wakhuleka kuye. ³² Wammisela uBali i-altare endlini kaBali abeyakhile eSamariya. ³³ U-Ahabi wamenza u -Ashera; u-Ahabi wenezela waze wacunula uJehova , uNkulunkulu ka -Israyeli, kunawo onke amakhosi akwa -Israyeli ayengaphambi kwakhe. ³⁴ Ezinsukwini zakhe uHiyeli waseBethele wabuye wakha iJeriko ; wabeka isisekelo salo ngokulahlekelwa ngu-Abiramu izibulo lakhe, wamisa amasango alo ngokulahlekelwa yithunjana lakhe uSegubi , njengezwi likaJehova owalikhuluma ngesandla sikaJoshuwa indodana kaNuni.