¹ Abantwana bakwaRubeni nabantwana bakwaGadi babenemfuyo eningi , nalapho belibona iz we laseJazeri nezwe lakwaGileyadi ukuthi leyo ndawo iyindawo yezinkomo, ² abantwana bakwaGadi nabantwana bakwaRubeni beza bakhuluma kuMose , naku-Eleyazare umpristi, nakuzo izikhulu zenhlangano, bathi: ³ I-Atharoti, neDiboni, neJazeri, neNimra, neHeshiboni, ne-Elehale, neSebamu, neNebo, neBehoni, ⁴ izwe alinqoba uJehova phambi kwenhlangano ka-Israyeli liyizwe lezinkomo, futhi izinceku zakho zinezinkomo. ⁵ Bathi futhi : Uma sifumene umusa emehlweni akho , leli zwe malinikwe izinceku zakho libe yifa lazo; ungasiwelisi iJordani. ⁶ UMose wayesethi kubantwana bakwaGadi nakubantwana bakwaRubeni : Abafowenu bayakuphuma impi, nina nihlale lapha, na? ⁷ Niqedelani inhliziyo yabantwana bakwa -Israyeli ukuba bangaweli ukuya ezweni uJehova abanike lona na? ⁸ Benze njalo oyihlo mhl a ngibathuma besuka eKadeshi Barineya ukubona izwe. ⁹ Ngokuba ekukhuphukeni kwabo ukuya esiGodini sase -Eshikoli balibona izwe, baqeda inhliziyo yabantwana bakwa-Israyeli ukuba bangangeni ezweni uJehova abanike lona. ¹⁰ Intukuthelo kaJehova yavutha ngalolo suku, wafunga wathi: ¹¹ Impela kulaba bantu abaphuma eGibithe , kusukela kwabaneminyaka engamashumi amabili kuya phezulu , akayikubona noyedwa izwe engalifungela u -Abrahama, no-Isaka, noJakobe, ngokuba abangilandelanga ngokuphelelyo, ¹² ngaphandle kukaKalebi i ndodana kaJefune , umKhenizi, noJoshuwa indodana kaNuni, ngokuba bamlandele uJehova ngokupheleleyo. ¹³ Intukuthelo kaJehova yabavuthela abakwa -Israyeli, wabazulisa ehlane iminyaka engamashumi amane , saze saphela sonke leso sizukulwane esasenzile okubi emehlweni kaJehova. ¹⁴ Bhekani, senivukile nina esikhundleni sawoyihlo, inzalo yabantu abonayo, ukwandisa futhi intukuthelo kaJehova evuthela u-Israyeli. ¹⁵ Ngokuba uma nibuyela emuva ekumlandeleni, uyakubuye abashiye ehlane, nize nibhubhise laba bantu. ¹⁶ Basondela kuye , bathi: Siyakwakhela lapha izinkomo zethu izibaya nabancane bethu imizi; ¹⁷ kepha thina uqobo lwethu siyakushesha sihlome , sihambe phambi kwabantwana bakwa-Israyeli, size sibafinyelelise endaweni yabo , abancane bethu bahlale emizini ebiyelweyo ngenxa yabakhileyo ezweni. ¹⁸ Asiyikubuyela ezindlini zethu , abantwana bakwa -Israyeli bengakalidli ifa labo, kube yilowo nalowo wabo. ¹⁹ Ngokuba asiyikulidla ifa nabo ngaphesheya kweJordani nangaphambili , lokhu silidlile elethu nganeno kweJordani ngasempumalanga. ²⁰ UMose wayesethi kubo : Uma nenza lokhu , uma nihloma ukuba nihambe phambi kukaJehova, niphume impi, ²¹ kuwele iJordani onke amadoda enu ahlomileyo phambi kukaJehova , aze axoshe izitha zakhe phambi kwakhe, ²² izwe linqotshwe phambi kukaJehova , khona ngasemuva niyakubuya, nibe ngabangenacala kuJehova naku -Israyeli, leli zwe libe yifa lenu phambi kukaJehova. ²³ Kepha uma ningenzi njalo , bhekani, nonile kuJehova; yazini ukuthi isono senu siyakunifumana. ²⁴ Zakheleni imizi yabancane benu nezibaya zezimvu zenu , nikwenze lokho okuphumileyo emlonyeni wenu. ²⁵ Abantwana bakwaGadi nabantwana bakwaRubeni bakhuluma kuMose , bathi: Izinceku zakho ziyakwenza njengalokhu inkosi yami iyala. ²⁶ Abancane bethu, nawomkethu, nezimvu zethu, nazo zonke izinkomo zethu kuyakuba lapho emizini yakwaGileyadi, ²⁷ kepha izinceku zakho ziyakuwela , kube yilowo nalowo ohlomele ukulwa , phambi kukaJehova, ziphume impi, njengalokhu isho inkosi yami. ²⁸ UMose wayeseyala u -Eleyazare umpristi , noJoshuwa indodana kaNuni , nezinhloko zezindlu zawoyise bezizwe zabantwana bakwa-Israyeli ngabo. ²⁹ UMose wathi kubo: Uma abantwana bakwaGadi nabantwana bakwaRubeni bewela nani iJordani, bonke abahlomele ukulwa , phambi kukaJehova, izwe linqotshwe phambi kwenu, niyakubanika izwe lakwaGileyadi libe yifa labo; ³⁰ kepha uma bengaweli nani behlomile , bayakunikwa ifa phakathi kwenu ezweni laseKhanani. ³¹ Abantwana bakwaGadi nabantwana bakwaRubeni baphendula bathi : Njengalokho uJehova eshilo kuzo izinceku zakho, siyakwenze njalo. ³² Siyakuwela, siye ezweni laseKhanani phambi k ukaJehova sihlomile , izwe lefa lethu lisale nokho ngaphesheya kweJordani. ³³ UMose wayesebanika abantwana bakwaGadi nabantwana bakwaRubeni nenxenye yesizwe sakwaManase indodana kaJosefa umbuso kaSihoni inkosi yama-Amori nombuso ka -Ogi inkosi yaseBashani , izwe nemizi yalo namaphethelo ayo, imizi yezwe nxazonke. ³⁴ Abantwana bakwaGadi bakha iDiboni, ne-Athoriti, ne-Aroweri, ³⁵ ne-Athiroti Shofanu, neJazeri, neJogibeha, ³⁶ neBeti Nimra, neBeti Harana, imizi ebiyelweyo nezibaya zezimvu. ³⁷ Abantwana bakwaRubeni bab uye bakha iHeshiboni , ne-Elehale, neKiriyatayimi, ³⁸ neNebo, neBali Mehoni iphendulwe ngamagama neSibima ; banika imizi abayakhayo amanye amagama. ³⁹ Abantwana bakwaMakiri indodana kaManase baya kwaGileyadi , balithatha, baxosha ama-Amori ayekulo. ⁴⁰ UMose wanika uMakiri indodana kaManase elakwaGileyadi, wahlala kulo. ⁴¹ UJayire indodana kaManase wahamba wathatha imizana yalo , wayibiza ngokuthi iHawoti Jayire. ⁴² UNoba wahamba wathatha iKhenati nemizana yalo , walibiza ngokuthi iNoba ngegama lakhe.