¹ Ake umemeze ; ukhona okuphendulayo na ? Uyakuphendukela kumuphi kwabangcwele na? ² Ngokuba isiwula siyabulawa ngukukhathazeka, nomhawu uyachitha oyisiphukuphuku. ³ Mina ngibonile isiwula sigxilile , kepha ngaqalekisa indlu yaso ngokuzumayo. ⁴ Abantwana baso bakude nokusindiswa , bachotshozwa esangweni ; akakho obophulayo, ⁵ abakuvuna kwabo kudliwa ngabalambileyo, bakukhipha nasemeveni ; abanxanelayo basezela impahla yabo. ⁶ Ngokuba usizi aluveli othulini, nokuhlupheka akuphumi emhlabathini, ⁷ ngokuba umuntu uzalelwa ukuhlupheka , njengokuba izinhlansi ziqhashela phezulu. ⁸ Kodwa mina bengiyakumfuna uNkulunkulu; kuNkulunkulu bengiyakubeka indaba yami, ⁹ yena owenza izinto ezinkulu ezingaphenyekiyo , izimangaliso ezingenakubalwa, ¹⁰ yena onisa imvula emhlabeni, athume amanzi ebusweni bamasimu, ¹¹ ukuze aphakamise abayizimpofana nabadabukiley o baphakanyiselwe ukusindiswa. ¹² Uyachitha amacebo abanobuqili , ukuze izandla zabo zi ngabi nakufeza umgomo wabo. ¹³ Uyabamba abahlakaniphileyo ebuqilini babo ; isiluleko soyisigwegwe siyachithwa ngokuphuthuma. ¹⁴ Emini bahlangana nobumnyama, baphumputha emini njengasebusuku. ¹⁵ Uyasindisa enkembeni yemilomo yabo , yebo, abampofu esandleni sonamandla. ¹⁶ Ompofu usenethemba; ububi buvala umlomo wabo. ¹⁷ Bheka, ubusisiwe lowo muntu uNkulunkulu amlayayo; ngalokho ungadeleli ukukhuzwa nguSomandla. ¹⁸ Ngokuba uma ezwisa ubuhlungu, ubuye abophe; uyalimaza, kepha izandla zakhe zibuye zelaphe. ¹⁹ Uyakophula ezinhluphekweni eziyisithupha ; yebo, nakweziyisikhombisa awuyikuthintwa ngokubi. ²⁰ Endlaleni uyakukuhlenga ekufeni nasempini emandleni enkemba. ²¹ Uyakufihlwa enkalivasini yolimi; awuyikwesaba lapho kufika ukuchitha. ²² Uyakuhleka incithakalo nendlala, nezilo zomhlaba awuyikuzesaba. ²³ Ngokuba unesivumelwano namatshe asendle ; izilo zasendle zihlalisana kahle nawe. ²⁴ Uyakwazi ukuthi itende lakho linokuthula ; uyakuhambela indlu yakho , awuyikusilalelwa lutho. ²⁵ Uyakwazi ukuthi inzalo yakho iyakuba nkulu , abantwana bakho babe njengotshani bomhlaba. ²⁶ Uyakufika ethuneni usuthi ngobudal a njengeqhinqa lamabele ngesikhathi salo. ²⁷ Bheka, lokho sikuphenyile; kunjalo; kuzwe, uzazele khona.