¹ Umphefumulo wami ukhathele ukuhamba kwami; ngiyazinikela ekukhaleni, ngikhulume ngomunyu womphefumulo wami. ² Ngiyakusho kuNkulunkulu ukuthi : U ngangilahli; ngazise ukuthi uphikisanelani nami na? ³ Kuhle yini kuwe ukuba ucindezele , ulahle umsebenzi wezandla zakho , ukhanye phezu kwamasu ababi, na? ⁴ Amehlo enyama unawo na? Uyabona njengabantu na? ⁵ Imihla yakho injengemihla yomuntu na ? Neminyaka yakho injengezinsuku zabantu na? ⁶ lokhu ufuna ukona kimi, ufunisisa isono sami, ⁷ noma ukwazi ukuthi angimubi nokuthi akakho ongophula esandleni sakho. ⁸ Izandla zakho zingibumbile , zangenza ngokupheleleyo nxazonke ; nokho uyangichitha. ⁹ Ake ukhumbule ukuthi ungenzile njengebumba ; pho, uyakungibuyisela othulini na? ¹⁰ Awungithululanga njengobisi, wangijiyisa njengoshizi, na? ¹¹ Awungembathisanga isikhumba nenyama , wangiphica ngamathambo nangemisipha, na? ¹² Ungenzele ukuphila nomusa ; ukungihambela kwakho kulondile umoya wami. ¹³ Kepha ufihlile enhliziyweni yakho lokhu ; ngiyazi ukuthi lokhu kukuwe kokuthi: ¹⁴ Uma ngona, uyangiqaphela; awuyikuthethelela ukona kwami. ¹⁵ Uma nginecala , maye kimi ! Noma bengilungile , bengingayikuphakamisa ikhanda lami, lokhu ngisuthi ngehlazo, ngibona ukuhlupheka kwami. ¹⁶ Nokuba bengiziphakamisa , ubuyakungizingela njengengonyama , ubuye uzenze omangalisayo kimi. ¹⁷ Ubuyakuletha kimi ofakaz i abasha, wandise intukuthelo yakh o kimi, amabandla ngamabandla angisukele. ¹⁸ Ungikhipheleni esizalweni na? Ngangiyakugqibuka lingakangiboni iso, ¹⁹ ngibe njengokungathi ngingekho, ngiyiswe ethuneni ngisaphuma esiswini. ²⁰ Imihla yami ayiyingcosana na ? Makapheze, angiyeke ukuba ngithokoze kancane, ²¹ ngingakayi lapho ngingasayikubuya khona, izwe lobumnyama nelomthunzi wokufa, ²² izwe lobumnyama obunjengesigayegay e nelomthunzi wokufa nelesiphithiphithi, lapho ukukhanya kunjengobumnyama.