¹ Izwi likaJehova lafika kimi, lathi: ² Kuyini kini ukuba nilinganise ngalesi saga ezweni lakwa-Israyeli sokuthi: Oyise badlile izithelo zomvini ezimuncu, amazinyo abantwana aba bushelezi, na? ³ Kuphila kwami, isho iNkosi uJehova, akusayikubakho ukulinganisa ngalesi saga kwa-Israyeli. ⁴ Bheka, yonke imiphefumulo ingeyami , umphefumulo kayise njengomphefumulo womntwana; ingeyami; umphefumulo owonayo uyakufa. ⁵ Kepha uma umuntu olungileyo enza ukwahlulela nokulunga, ⁶ engadli ezintabeni, engaphakamisi amehlo akhe ezithombeni zendlu yakwa - Israyeli, engangcolisi umkamakhelwane wakhe , engasondeli kowesifazane ekungcoleni kwakhe; ⁷ engacindezeli muntu, ebuyisela kotshelekayo isibambiso sakhe , engaphangi nokuphanga, kepha enika abalambileyo isinkwa sakhe , embathisa abanqunu izingubo; ⁸ enganiki ngenzalo, engamukeli inzuzo, ebuyisa isandla sakhe ebubini , enza ukwahlulela okuqinisileyo phakathi komuntu nomuntu; ⁹ ehamba ngezimiso zami, egcina izahlulelo zami ukuba enze iqiniso, ulungile, uyakuphila nokuphila, isho iNkosi uJehova. ¹⁰ Uma ezala indodana engumph angi nomchithi wegazi , ikwenza okunye kwalokho, ¹¹ yena engakwenzanga kodwa : Idla ezintabeni , ingcolisa umkamakhelwane wayo, ¹² icindezela abampofu nabaswelayo , iphanga nokuphanga , ingabuyisi isibambiso, iphakamisa amehlo ayo ezithombeni, yenza izinengiso; ¹³ inika ngenzalo, yamukela inzuzo. Iyakuphila na? Cha, ayiyikuphila. Yenzile zonke lezi zinengiso; iyakubulawa nokubulawa, igazi layo libe phezu kwayo. ¹⁴ Bheka, uma ezala indodana ebona zonke izono zikayise azenzileyo , ibone ingenzi njengazo: ¹⁵ Ingadli ezintabeni, ingaphakamisi amehlo ayo ezithombeni zendlu yakwa - Israyeli, ingangcolisi umkamakhelwane wayo; ¹⁶ ingacindezeli muntu , ingamukeli isibambiso , ingaphangi nokuphanga , kepha inika abampofu isinkwa sayo, yembathisa abanqunu izingubo. ¹⁷ Ibuyisa isandla say o kwabampofu , ingamukeli inzalo nenzuzo , yenza izahlulelo zami, ihamba ngezimiso zami . Yona ayiyikufa ngokona kukayise , iyakuphila nokuphila. ¹⁸ Uyise, ngokuba wacindezela nokucindezela , waphanga nokuphanga umfowabo, wenza okungekuhle phakathi kwabantu bakh e, bheka, yena uyakufa ngokona kwakhe. ¹⁹ Kepha nithi : Indodana ayithwali ngani ukona kukayise na ? Indodana isikwenzile ukwahlulela nokulunga , yagcina zonke izimiso zami , yazenza, iyakuphila nokuphila. ²⁰ Umphefumulo owonayo uyakufa; indodana ayiyikuthwala ukona kukayise, uyise angathwali ukona kwendodana; ukulunga kolungileyo kuyakuba phezu kwakhe, nobubi bomubi buyakuba phezu kwakhe. ²¹ Kepha uma omubi ebuya kuzo zonke izono zakhe azenzileyo, agcine zonke izimiso zami, enze ukwahlulela nokulunga, uyakuphila nokuphila; kayikufa. ²² Iziphambeko zakhe, nesisodwa asenzileyo asiyikukhunjulelwa kuye , aphile ngokulunga akwenzileyo. ²³ Ngiyenamela nokwenamela ukufa komubi yini , isho iNkosi uJehova , kungabi ukuba abuye endleleni yakhe, aphile, na? ²⁴ Kepha lapho olu ngileyo ephenduka ekulungeni kwakhe , enze okubi, enze zonke izinengiso azenzayo omubi, uyakuphila na? Izenzo zakhe ezilungileyo, nesisodwa asenzileyo asiyikukhunjulwa, afele ezeqweni eqe ngazo nasezonweni one ngazo. ²⁵ Kodwa nithi: Indlela yeNkosi ayilingani. Yizwani nina ndlu yakwa-Israyeli: Indlela yami ayilingani na? Angithi yizindlela zenu ezingalingani na? ²⁶ Lapho olungileyo ephenduka ekulungeni kwakhe , enze okubi , uyakufa ngakho, afe ngenxa yokubi akwenzileyo. ²⁷ Lapho omubi ephenduka ebubini bakhe abe nzileyo, enze ukwahlulela nokulunga, uyakusindisa umphefumulo wakhe. ²⁸ Ngokuba ebona , abuye ezeqweni zakhe zonke azenzileyo , uyakuphila nokuphila, angafi. ²⁹ Kepha indlu yakwa -Israyeli ithi : Indlela yeNkosi ayilingani . Wena ndlu yakwa-Israyeli, izindlela za mi azilingani na ? Angithi yizindlela zenu ezingalingani na? ³⁰ Ngalokho ngiyakunahlulela nina ndlu yakwa-Israyeli, kube yilowo nalowo njengezindlela zakhe , isho iNkosi uJehova . Phendukani, nibuye ezeqweni zenu zonke, ububi bungabi yisikhubekiso senu. ³¹ Lahlani kini zonke izeqo zenu eneqe ngazo , nizenzele inhliziyo entsha nomoya omusha, ngokuba uyakufelani wena ndlu yakwa-Israyeli na? ³² Ngokuba angenameli ukufa kofayo , isho iNkosi uJehova; ngalokho buyani, niphile.