¹ Ngiyakuma endaweni yami yokulinda , ngigcule enqabeni , ngikhangele ukubona ukuthi uyakukhulumani kimi nokuthi ngiyakuphendulani ngokusola kwami. ² UJehova wangiphendula wathi : Wulobe umbono , uwuqophe ezibhebheni ukuba kufundwe kalula. ³ Ngokuba umbono usengowesikhathi esimisiweyo ; uphuthuma ekupheleni , awuyikukhohlisa; noma ulibala , wulindele, ngokuba uyakufika nokufika , awuyikwephuza. ⁴ Bheka, umphefumulo wakhe uziphakamisile , awuqotho phakathi kwakhe , kepha olungileyo uzakuphila ngokukholwa kwakhe. ⁵ Yebo, iwayini liyakhohlisa , lingumuntu okhukhumeleyo ongayikuma , owandisa ukufisa kwakhe njengendawo ya bafileyo; unjengokufa: akasuthi; uyazibuthela zonke izizwe, uziqoqela bonke abantu. ⁶ Bona abayikuphakamisa isaga nomfanekiso wemfumbe ngaye , bathi: Wo kuyena owandisa okungesikho okwakh e koze kube nini na ? -- nozisindisa ngezibambiso! ⁷ Abayikuvuka ngokuz umayo abakulumayo , bavuke abakuthuthumelisayo , ube yimpango yabo, na? ⁸ Ngokuba wena uphangile izizwe eziningi , bonke abanye abantu bayakuphanga wena, ngenxa yezingazi zabantu nendluzula eyenziwe ezweni, nasemzini, nakubo bonke abakhe kuwo. ⁹ Wo kozuzela indlu yakhe inzuzo emb i ukuba abeke isidleke sakhe phezulu ukuyophulwa esandleni sobubi! ¹⁰ Ucebele indlu yakho okubi ngokuchitha abantu abaningi , wona kuwo umphefumulo wakho. ¹¹ Ngokuba amatshe ayakukhala esodongeni, nomshayo uyakuwaphendula usemithini. ¹² Wo kowakha umuzi ngezingazi, aqinise idolobha ngobubi! ¹³ Bheka, akuveli kuJehova Sebawot i ukuthi abantu bakhandlekela umlilo , izizwe zizikhathaze ngokuyize, na? ¹⁴ Ngokuba umhlaba uyakugcwala ukwazi inkazimulo kaJehova, njengamanzi asibekela ulwandle. ¹⁵ Wo komphuzisa umngane wakhe , axube nokufutheka , amdakise, ukuze abuke ubunqunu bakhe! ¹⁶ Uyakusuthiswa ngehlazo esikhundleni senkazimulo , uphuze nawe , wambule ijwabu, indebe yesandla sokunene sikaJehova siphendulelwe kuwe, kube yihlazo phezu kodumo lwakho. ¹⁷ Ngokuba indluzula eyenziwe eLebanoni iyakukusibekela , ukuchithwa kwezilwane kukwesabise , ngenxa yezingazi zabantu nendluzula eyenziwe ezweni, nasemzini, nakubo bonke abakhe kuwo. ¹⁸ Sisizani isithombe esibaziweyo, lokhu umbumbi waso esibaza , nesithombe esibunjiweyo nomfundisi wamanga , lokhu umbumbi waso ethemba kuso , ukuze enze izithombe eziyizimungulu, na? ¹⁹ Wo koshoyo kumuthi ukuthi : Vuka! nakulo itshe eliyisimungulu: Phaphama! Lokhu kungafundisa na ? Bheka, kunamekwe ngegolide nangesiliva, kungekho neze umoya phakathi kwakho. ²⁰ Kepha uJehova usethempelini lakhe elingcwele ; thula phambi kwakhe , mhlaba wonke.