¹ UJakobe esezwile ukuthi kukhona amabele eGibithe , uJakobe wathi emadodaneni akhe: Nibukanelani na? ² Wathi: Bhekani, ngizwile ukuthi kukhona amabele eGibithe ; yehlani, niye lapho, nisithengele khona, ukuze siphile, singafi. ³ Base behla abafowabo bakaJosefa abayishumi , baya kuthenga amabele eGibithe. ⁴ Kepha uBenjamini umfowabo kaJosefa uJakobe akamthumanga nabafowabo, ngokuba wathi: Angahle ehlelwe ngokubi. ⁵ Ayesefika amadodana ka -Israyeli ukuthenga phakathi kwalabo ab abefika, ngokuba kwakukhona indlala ezweni laseKhanani. ⁶ UJosefa wayengumbusi ezweni ; nguyena owathengisela abantu bonke bezwe; bafika-ke abafowabo bakaJosefa, bamkhothamela ngobuso phansi. ⁷ UJosefa wabona abafowabo , wabazi, kepha wazishaya ongabaziyo kubo , wakhuluma kalukhuni kubo, wathi kubo: Nivelaphi na? Bathi: Sivela ezweni laseKhanani, size ukuthenga ukudla. ⁸ UJosefa wabazi abafowabo, kepha bona abamazanga. ⁹ UJosefa wayesekhumbula amaphupho awaphupha ngabo , wathi kubo : Niyizinhloli; nize ukubona ubuze bezwe. ¹⁰ Bathi kuye: Qha, nkosi, izinceku zakho zize ukuba zithenge ukudla. ¹¹ Sonke singamadodana andodanye ; singabantu abaqotho ; izinceku zakho aziyizo izinhloli. ¹² Wathi kubo: Qhabo, nize ukubona ubuze bezwe. ¹³ Base bethi kuye : Thina zinceku zakho ziy izelamani eziyishumi nambili , amadodana andodanye ezweni laseKhanani ; bheka, encane ikubaba manje , enye ayisekho. ¹⁴ UJosefa wathi kubo: Yikho lokhu engikushilo kini ukuthi niyizinhloli. ¹⁵ Niyakuvivinywa ngalokhu, kuphila kukaFaro, aniyikumuka lapha, kuphela uma umfowenu omncane efika lapha. ¹⁶ Thumani omunye wenu , amlande umfowenu ; nizakuboshwa, ukuze kuvivinywe amazwi enu ukuba iqiniso likini yini ; uma kungenjalo, kuphila kukaFaro, niyizinhloli. ¹⁷ Wababutha bonke ukuba balindwe izinsuku ezintathu. ¹⁸ Wayesethi kubo uJosefa ngosuku lwesithathu : Yenzani lokhu , niphile, ngokuba ngiyamesaba uNkulunkulu. ¹⁹ Uma ningabaqotho, makuboshwe omunye wabafowenu endlini yokulindwa kwenu, kepha hambani nina, nibuyele namabele endlala yezindlu zenu, ²⁰ nilethe umfowenu omncan e kimi , kuqiniswe amazwi enu , nize ningafi . Benze njalo. ²¹ Base bethi omunye komunye : Impela sitholile icala ngomfowethu , njengokuba sabona usizi lwenhliziyo yakhe, esincenga, kasamlalela; ngalokho lolu sizi selufike phezu kwethu. ²² URubeni wabaphendula w athi: Angikhulumanga yini kini ukuthi : Ningamoni umfana, kanangilalela, na? Bhekani, ngalokho seliyabizwa igazi lakhe. ²³ Babengazi ukuthi uJosefa uyabezwa , ngokuba kwakukhona ihumusha phakathi kwabo. ²⁴ Wabafulathela, wakhala; wabuye waphendukela kubo , wakhuluma nabo ; wayesemsusa uSimeyoni phakathi kwabo, wambopha phambi kwamehlo abo. ²⁵ UJosefa wayeseyala ukuba amasaka abo agcwaliswe ngamabele , kubuyiselwe imali yalowo nalowo esakeni lakhe , baphiwe umphako endleleni; kwenziwa njalo kubo. ²⁶ Base bethwesa izimbongolo zabo ngamabele abo, bamuka khona. ²⁷ Kwathi omunye evula isaka lakhe ukuba ayinike imbongolo yakhe ukudla endlini yezihambi , wabona imali yakhe ; bheka, yayisemlonyeni wesaka lakhe. ²⁸ Wayesethi kubafowabo : Imali yami ibuyiselwe ; bhekani, isesakeni la mi. Baphela amandla, babhekana omunye nomunye bethuthumela , bethi: Kuyini lokhu uNkulunkulu asenzele khona na? ²⁹ Bafika-ke kuJakobe uyise ezweni laseKhanani , bamtshela konke okubehleleyo, bathi: ³⁰ Lowo muntu , inkosi yezwe , ukhulume kalukhuni kithina , wasishaya izinhloli zezwe. ³¹ Sase sithi kuye: Singabaqotho; asiyizo izinhloli; ³² siyizelamani eziyishumi nambili, amadodana kababa ; enye ayisekho , encane ikubaba ezweni laseKhanani manje. ³³ Lowo muntu, inkosi yezwe, wayesethi kithi: Ngalokhu ngiyokwazi ukuthi ningabaqotho: shiyani kimi omunye wabafowenu, niphathele indlala yezindlu zenu ukudla, nimuke, ³⁴ nilethe kimi umfowenu omncane ; yikhona ngiyokwazi ukuthi aniyizo izinhloli kepha ningabaqotho, ngininike umfowenu, nihambe izwe. ³⁵ Kwathi sebethulula amasaka abo, bheka, isikhwama semali salowo nalowo sasisesakeni lakhe ; lapho bona noyise bebona izikhwama zabo zemali , bashaywa luvalo. ³⁶ UJakobe uyise wayesethi kubo : Niyangaphuca abantwana bami ; uJosefa akasekho, noSimeyoni kasekho; senizakuthatha noBenjamini; kuphezu kwami konke lokhu. ³⁷ Wayesekhuluma uRubeni kuyise, ethi: Bulala amadodana ami omabili, uma ngingambuyiseli kuwe; mnikele esandleni sami, ngizakumbuyisela kuwe. ³⁸ Wathi: Indodana yami ayiyikwehla nani , ngokuba umfowabo ufile , kusele yona yodwa; uma yehlelwa yingozi endleleni eniyihambayo , niyakwehlisela endaweni yabafileyo izimvi zami ngosizi.