¹ UJehova wamhambela uSara njengokusho kwakhe ; UJehova wenza kuSara njengalokho ekhulumile. ² USara wakhulelwa , wamzalela u -Abrahama indodana esemdala kuleyo nkathi uNkulunkulu abeyishilo kuye. ³ U-Abrahama waqamba igama lendodana yakhe azalelwe yona , ayizalelwe nguSara, ngokuthi u-Isaka. ⁴ U-Abrahama wayisoka indodana yakhe u -Isaka isinezinsuku eziyisishiyagalombili, njengalokho uNkulunkulu emyalile. ⁵ U-Abrahama wayeneminyaka eyikhulu , lapho ezalelwa u -Isaka indodana yakhe. ⁶ USara wathi: UNkulunkulu ungenzile ukuba ngihl ekeke; bonke abakuzwayo bayakungihleka. ⁷ Wathi futhi: Ngubani obengasho ku-Abrahama ukuthi uSara ubeyakuncelisa abantwana na? Ngokuba sengimzalele indodana esemdala. O-Ishmayeli noHagari besehlane ⁸ Umntwana wakhula, walunyulwa; u-Abrahama wenza idili elikh ulu mhla u- Isaka elunyulwa. ⁹ USara wabona indodana kaHagari owaseGibithe ayizalele u -Abrahama idlalisa. ¹⁰ Wathi ku -Abrahama: Sixoshe lesi sigqilakazi nendodana yaso , ngokuba indodana yalesi sigqilakazi ayiyikudla ifa kanye nendodana yami u-Isaka. ¹¹ Leli zwi lalilibi kakhulu emehlweni ka-Abrahama ngenxa yendodana yakhe. ¹² UNkulunkulu wathi ku -Abrahama: Akungabi lukhuni emehlweni akho ngenxa yomfana nangenxa yesigqilakazi sakho ; kukho konke uSara akusho kuwe, lalela izwi lakhe, ngokuba inzalo yakho iyakubizwa ngo-Isaka. ¹³ Nayo indodana yesigqilakazi ngiyakuyenza isizwe , ngokuba iyinzalo yakho. ¹⁴ U-Abrahama wavuka ekuseni , wathatha isinkwa nemvaba yamanzi , wakunika uHagari ekubeka ehlombe lakhe kanye nomntwana , wammukisa; wahamba, wazulazula ehlane laseBeri Sheba. ¹⁵ Amanzi esephelile emvabeni, waphonsa umntwana phansi kwesihlahla. ¹⁶ Waya wahlala phansi kukhashana phambi kwakhe , kungathi ibanga lokuphonsa umcibisholo , ngokuba wathi : Ngingebone ukufa komntwana . Wahlala phambi kwakhe, waphakamisa izwi lakhe, wakhala. ¹⁷ UNkulunkulu wezwa izwi lomfana . Ingelosi kaNkulunkulu yamemeza kuHagari isezulwini , yathi kuye : Kuyini, Hagari? Ungesabi, ngokuba uNkulunkulu ulizwile izwi lomntwana, lapho ekhona. ¹⁸ Vuka uphakamise umfana , umbambe ngesandla sakho , ngokuba ngiyakumenza isizwe esikhulu. ¹⁹ UNkulunkulu wavula amehlo akhe , wabona umthombo wamanzi , waya, wagcwalisa imvaba ngamanzi, wamphuzisa umfana. ²⁰ UNkulunkulu wayenaye umfana; wakhula, wahlala ehlane, waba ngophethe umnsalo. ²¹ Wahlala ehlane lasePharanu ; unina wamtha thela umfazi ezweni laseGibithe. Isivumelwano sika-Abrahama no-Abimeleki ²² Kwathi ngaleso sikhathi u -Abimeleki noPikoli , induna yempi yakhe , bakhuluma ku -Abrahama, bathi: UNkulunkulu unawe kukho konke okwenzayo. ²³ Ngalokho ngithembise lapha ngokufunga uNk ulunkulu ukuthi awuyikungikhohlisa mina nendodana yami nomzukulwana wami ; kepha ngokomusa engiwenzile kuwe, mawuwenze nakimi nakulo izwe osugogobele kulo. ²⁴ U-Abrahama wathi: Ngizakufunga. ²⁵ Kepha u -Abrahama wamsola u -Abimeleki ngomthombo wamanzi ebeziwuqhwagile izinceku zika-Abimeleki. ²⁶ Kepha u -Abimeleki wathi : Angazi ukuthi kwenziwe ngubani lokhu ; nawe awungitshelanga, nami angikuzwanga kuze kube namuhla. ²⁷ U-Abrahama wayesethatha izimvu nezinkabi , wazipha u -Abimeleki; labo bobabili benza isivumelwano. ²⁸ U-Abrahama wabeka izimvukazana eziyisikhombisa zomhlambi ngokwazo. ²⁹ U-Abimeleki wathi ku -Abrahama: Lezi zimvukazana eziyisikhombisa ozibeke zodwa ziyini na? ³⁰ Wathi: Lezi zimvukazana eziyisikhombisa uyakuzithatha esandleni sami , zibe ngubufakazi bokuthi ngiwumbile lomthombo. ³¹ Ngalokho waqamba leyo ndawo ngokuthi iBeri Sheba , ngokuba bafunga khona bobabili. ³² Base benza isivumelwano eBeri Sheba ; u-Abimeleki wasukuma noPikoli induna yempi yakhe, babuyela ezweni lamaFilisti. ³³ U-Abrahama watshala umtamarisk e ngaseBeri Sheba , wakhuleka khona egameni likaJehova uNkulunkulu Ongunaphakade. ³⁴ U-Abrahama wagogobala ezweni lamaFilisti izinsuku eziningi.