¹ Ngalolo suku lesi sihlabelelo siyakuhlatshelelwa ezweni lakwaJuda sokuthi : Umuzi onamandla sinawo; uyasimisela insindiso ibe yizingange nezindonga. ² Vulani amasango ukuba isizwe esilungileyo esigcina iqiniso singene. ³ Inhliziyo eqinileyo uyayilinda ngokuthula okupheleleyo, ngokuba yethemba kuwe. ⁴ Thembani kuJehova kuze kube phakade, ngokuba uJehova, yebo, uJehova uyidwala elingunaphakade. ⁵ Ngokuba uthobisile ababehlezi phezulu , umuzi ophakemeyo ; uyawubhidliza, uyawubhidliza kuze kube semhlabathini , awusondeze nasothulini. ⁶ Unyawo luyakuwunyathela phansi , izinyawo zabaswelayo, izinyathelo zabampofu. ⁷ Indlela yabalungileyo iqondile , umkhondo wabaqotho ulungile , uyawenza ukuba ulingane. ⁸ Yebo, ezindleleni zezahlulelo zakho , Jehova, sikuhlalele. Umphefumulo uyalangazelela igama lakho nesikhumbuzo sakho. ⁹ Ngomphefumulo wami ngikulangazelela ebusuku , yebo, ngomoya wami ophakathi kwami ngiyakufunisisa , ngokuba lapho izahlulelo zakho zisemhlabeni, abakhileyo bezwe bafunda ukulunga. ¹⁰ Uma omubi ephiwa umusa , akafundi ukulunga ; ezweni lobuqotho uyakwenza ukonakala, angaboni ukuphakama kukaJehova. ¹¹ Jehova, isandla sakho siphakeme , kepha kababoni ; kodwa mababone ukushisekela kwakho abantu, babe namahloni; yebo, umlilo uyakuqeda izitha zakho. ¹² Jehova, uyakusimisela ukuthula ; ngokuba nayo yonke imisebenzi yeth u senzelwe yona nguwe. ¹³ Jehova Nkulunkulu wethu , amanye amakhosi angaphandle kwakho asibusile, kepha kuwena wedwa siyadumisa igama lakho. ¹⁴ Abafileyo ababuyi baphile , izithunzi azibuyi zivuke ; ngalokho wabahambela, wabachitha, wenza ukuba konke ukukhunjulwa kwabo kuphele. ¹⁵ Wandisa isizwe , Jehova, wandisa isizwe , wadunyiswa, wavula yonke imikhawulo yezwe. ¹⁶ Jehova, besekuhluphekeni bakuhambela , bazethula ngemikhuleko lapho belaywa nguwe. ¹⁷ Njengokhulelweyo osondela ukuba abelethe ezwiswa ubuhlungu, saba njalo phambi kobuso bakho, Jehova. ¹⁸ Sasikhulelwe, sasinobuhlungu, sabeletha kungathi umoya nje ; asenzanga insindiso emhlabeni, nabayakwakha ezweni abasazalwa. ¹⁹ Kepha abafiley o bakho bayakubuye baphile , izidumbu zabo zivuke . Phaphamani, nijabule nina enihlala othulini , ngokuba amazolo akho angamazolo okukhanya, nomhlaba uyakubakhipha abafileyo. ²⁰ Wozani, bantu bami , ningene emakamelweni enu , nizivalele iminyango , nicashe ngokuphazima kweso, kuze kudlule ulaka. ²¹ Ngokuba bhekani , uJehova uyaphuma endaweni yakh e ukuba ahambele ububi babakhileyo emhlabeni ; umhlaba uyakubonakalisa igazi lawo , ungabe usabasibekela ababuleweyo babo.