¹ Isiprofetho ngeBabele asibonayo u-Isaya indodana ka-Amose. ² Misani ibhanela entabeni elucwatha , nibaphakamisele izwi , nibaqhwebe ngezandla ukuba bangene emasangweni abakhulu. ³ Mina uqobo ngibayalile abangcwele bami , yebo, ngibizele amaqhawe ami okwentukuthelo yami, bona labo abami abajabula ngokuziqhenya. ⁴ Umsindo wesixuku ezintaben i kungathi ngowabantu aban ingi! Umsindo wokuxokozela kwemibuso yabezizwe ihlangene! UJehova Sebawoti uyabutha impi yakhe. ⁵ Bavela ezweni elikud e nasekugcineni kwezul u uJehova nezikhali zentukuthelo yakhe, ukuba bachithe umhlaba wonke. ⁶ Klewulani, ngokuba usuku lukaJehova lusondele ; njengencithakalo evela kuSomandla luyafika. ⁷ Ngalokho izandla zonke ziyadangala, nezinhliziyo zonke ziyaphela amandla. ⁸ Bayashaqeka, babanjwa yiminjunju nobuhlungu , bazibinya njengababelethayo. Babhekana omunye nomunye bemangala . Ubuso babo bungubuso bamalangabi. ⁹ Bheka, usuku lukaJehova luyeza , lunonya, lunokufutheka, lunokuvutha kolaka, ukuba lwenz ize umhlaba, luchithe izoni zawo kuwo. ¹⁰ Ngokuba izinkanyezi zezulu nawondwenjana baz o akuyikukhanya; ilanga liyakuba mnyama ekuphumeni kwalo , nenyanga ayisayikukhipa ukukhanya kwayo. ¹¹ Ngiyakulijezisa izwe ngobubi balo , nababi ngezono zabo , ngenze ukuba kuphele ukuzidla kwabaziqhenyayo , ngithobise ukuziphakamisa kwabacindezeli. ¹² Ngiyakwenza umuntu abe yigugu kunegolide elihle , yebo, umuntukazana kunegolide elicwengekileyo. ¹³ Ngalokho ngiyakuzamazamisa izulu, umhlaba unyakaziswe endaweni yawo, ngentukuthelo kaJehova Sebawoti ngosuku lokuvutha kwentukuthelo yakhe. ¹⁴ Kuyakuthi njengensephe exoshwayo nezimvu ezingaqoqwa muntu , baphendukele, kube yilowo nalowo kubantu bakubo, babalekele, kube yilowo ezweni lakubo. ¹⁵ Bonke abatholwayo bayakugwazwa , nabo bonke ababanjwayo bayakuwa ngenkemba. ¹⁶ Izingane zabo ziyakuchotshozwa emehlweni abo , izindlu zabo ziphangwe, omkabo baphoqwe. ¹⁷ Bhekani, ngiyakubavusela amaMede angayikunaka isiliva , negolide angathokozi ngalo. ¹⁸ Iminsalo iyakuwisa phansi izinsizwa zabo ; abayikuhawukela isithelo esisesizalweni, amehlo abo angabi nasihe kubantwana. ¹⁹ IBabele, umhlobiso wemibuso, isivunulo sokuzikhukhumeza kwamaKaledi, liyakuba njengokuchitha kukaNkulunkulu iSodoma neGomora. ²⁰ Alisoze labuye lakhiwa , akusayikuhlalwa kulo ezizukulwaneni ngezizukulwane; umArabiya akayikumisa khona , nabelusi abayikulala lapho nemihlambi yabo. ²¹ Kepha izilwane zasehlane ziyakubuthisa khona , nezindlu za lo ziyakugcwala izikhova ; kuyakuhlala lapho izintshe , namademoni ayakungqabashiya khona. ²² Izimpungushe ziyakukhala ezinqabeni zalo , namakhanka ezindlini zamakhosi; siseduze ukufika isikhathi salo, nezinsuku zalo aziyikwandiswa.