¹ Uma umuntu eba inkabi noma imvu , ayihlabe, noma athengise ngayo , uyakukhokha inkabi ngezinkabi eziyisihlanu, nemvu ngezimvu ezine. ² Uma isela lificwa lisafohla , lishaywe lize life , akuyikuba yicala legazi maqondana nalo. ³ Uma ilanga lase liphumile phezu kwalo , kuyakuba yicala legazi phezu kwalo. Isela liyakukhokha nokukhokha ; uma lingenalutho, kuyakuthengiswa ngalo ngenxa yokweba kwalo. ⁴ Uma okwebiweyo kufunyaniswa esandleni salo kuphilile , noma kuyinkabi, noma kuyimbongolo, noma kuyimvu, liyakukhokha kuphindwe kabili. ⁵ Uma umuntu eklabisa ensimini noma esivinini , aziyeke nje izinkomo zakhe zize zidle ensimini yomunye , uyakukhokha nokukhokha ngokuhle kwensimu yakhe nangokuhle kwesivini sakhe. ⁶ Uma kuvela umlilo, uvuthe emeveni kuze kushe izinhlanga zamabele, noma amabele angakavunwa, noma insimu, othungele umlilo uyakukhokha impela. ⁷ Uma umuntu enikeza kumakhelwane wakhe imali noma impahla ukuba ayilondoloze, bese yebiwa endlini yalowo muntu , isela, uma lifunyanwa, liyakukhokha kuphindwe kabili. ⁸ Uma isela lingafunyanwa , umninindlu uyakusondela kuNkulunkulu , kubonwe ukuba akafakanga yini isandla sakhe empahleni yomakhelwane wakhe. ⁹ Ngezindaba zonke zamacala , eyenkabi, neyembongolo, neyemvu, neyengubo, neyento elahlekileyo , umuntu asho ngayo ukuthi ngeyakhe , indaba yabo bobabili iyakuza phambi kukaNkulunkulu ; olahlwa nguNkulunkulu uyakumkhokhela umakhelwane wakhe kuphindwe kabili. ¹⁰ Uma umuntu enikeza kumakhelwane wakhe imbongolo , noma inkabi, noma imvu , noma kungaba yisilwane sini , ukuba akulondoloze, bese kufa , noma kulimala, noma kuphangwa, kungabonwa muntu, ¹¹ kuyakunquma isifungo sikaJehova phakathi kwabo bobabili sokuthi akasifakanga yini isandla sakhe empahleni yomakhelwane wakhe ; umniniyo uyakusamukela isifungo, angayikhokhi. ¹² Kepha uma yebiwe kuye impela, uyakumkhokhela umniniyo. ¹³ Uma idweshuliwe , makayilethe ibe ngufakazi , angakhokhi okudweshuliweyo. ¹⁴ Uma umuntu etsheleka impahla yomunye , bese yilimala noma ifa , umniniyo engekho, nayo uyakuyikhokha nokuyikhokha. ¹⁵ Uma umniniyo enayo, akayikuyikhokha; uma yayiqashiwe, imali yokuqasha makayikhokhe. Imithetho yokuphatha izintandane, nabafokazi, nabampofu nokunye ¹⁶ Uma umuntu eyenga intombi engesiyo ingoduso, alale nayo, uyakuyilobola ibe ngumkakhe. ¹⁷ Uma uyise ala impela ukumnika yona , uyakukhokha imali elingene nokulotsholwa kwezintombi. ¹⁸ Ungavumi ukuba umlumbikazi aphile. ¹⁹ Olala nesilwane wobulawa nokubulawa. ²⁰ Ohlabela abanye onkulunkulu ngaphandle kukaJehova yedwa uyakubhujiswa nokubhujiswa. ²¹ Awuyikukhathaza umfokazi , ungamcindezeli, ngokuba naningabafokazi ezweni laseGibithe. ²² Aniyikuhlupha mfelokazi nentandane. ²³ Uma ubahlupha nakanjani, bakhale kimi nakancane, ngiyakuzwa nokuzwa ukukhala kwabo; ²⁴ ulaka lwami luyakuvutha , ngikubulale ngenkemba; omkenu babe ngabafelokazi, abantwana benu babe yizintandane. ²⁵ Uma utsheleka ompofu wabantu bami okuwe imali , awuyikumphatha njengabatshelekisi; ningabizi nzalo kuye. ²⁶ Uma uthatha ingubo yomakhelwane wakho , ibe yisibambiso , uyakuyibuyisela kuye lingakashoni ilanga; ²⁷ ngokuba iyisimbozo sakhe esisodwa , iyisambatho somzimba wakhe ; uyakulala ngani na ? Kuzakuthi nxa ekhala kimi , ngizakumuzwa, ngokuba nginomusa. ²⁸ Awuyikuthuka uNkulunkulu, ungaqalekisi induna yabantu bakini. ²⁹ Awuyikulibala nemin ikelo yamabele neyewayini . Wonginika izibulo emadodaneni akho. ³⁰ Uyakwenze njalo nangezinkomo zakho nangezimvu zakho : liyakuhlala kunina izinsuku eziyisikhombisa; ngosuku lwesishiyagalombili wonginika lona. ³¹ Niyakuba ngabantu abangcwele kimi ; ngalokho a niyikudla nyama yesilwane esidweshulwe endle, kepha anoyiphonsa ezinjeni.