¹ UJehova wakhuluma kuMose, wathi: ² Yisho kwabakwa -Israyeli ukuba babuyele emuva , bamise ngaphambi kwePhi Hahiroti , ngaphakathi kweMigidoli nolwandle , phambi kweBali Sefoni; anomisa ngaselwandle, nibhekane nalo. ³ UFaro uyakuthi ngabantwana bakwa -Israyeli: Badidekile ezweni , ihlane libavalele. ⁴ Ngiyakuyenza lukhuni inhliziyo kaFaro , abalandele; ngiyakudunyiswa ngoFaro nangebandla lakhe lonke ; abaseGibithe bayakwazi ukuthi nginguJehova. Benze njalo-ke. ⁵ Inkosi yaseGibithe yabikelwa ukuthi abantu sebebalekile ; inhliziyo kaFaro neyezinceku zakh e yabaguqukela abantu, bathi: Yini lokhu esikwenzileyo , sabavumela abakwa-Israyeli ukuba bahambe, bangasikhonzi, na? ⁶ Wabophela inqola yakhe, wahamba nabantu bakhe. ⁷ Wathatha izinqola ezingamakhulu ayisithupha ezikhethiweyo , nezinqola zonke zaseGibithe, nezinduna zazo zonke. ⁸ UJehova wayenza lukhuni inhliziyo kaFaro inkosi yaseGibithe ; waxosha abakwa-Israyeli; ngokuba abantwana bakwa -Israyeli baphuma ngesandla esiphakamileyo. ⁹ AbaseGibithe babaxosha , amahhashi onke , nezinqola zikaFaro , nabamahhashi bakhe, nempi yakhe, babafica bemise ngaselwandle ngasePhi Hahiroti ngaphambi kweBali Sefoni. ¹⁰ UFaro esesondela , abantwana bakwa -Israyeli baphakamisa amehlo abo ; bheka, abaseGibithe babebalandela; base besaba kakhulu; abantwana bakwa- Israyeli bakhala kuJehova. ¹¹ Bathi kuMose : Kungokuba kwakungekho mathuna eGibithe usikhiphile ukuba sifele ehlane na? Usenzeleni lokhu, wasikhipha eGibithe, na? ¹² Leli alisilo izwi esalikhuluma kuwe eGibithe , sithi: S iyeke, sikhonze abaseGibithe, na? Ngokuba bekuyakuba ngcono kithi ukubakhonza abaseGibithe kunokuba sifele ehlane. ¹³ UMose wathi kubantu : Ningesabi; qinani, nibone ukusindisa kukaJehova azakunenzela khona namuhla , ngokuba abaseGibithe enibabonile namuhla anisayikubuye nibabone naphakade. ¹⁴ UJehova uzakunilwela, nothula nina. ¹⁵ UJehova wayesethi kuMose: Ukhalelani kimi na? Yisho kubantwana bakwa- Israyeli ukuba bahambe. ¹⁶ Phakamisa wena induku yakho , welule isandla sakho phezu kolwandle , ulwahlukanise; abantwana bakwa-Israyeli bazakuhamba phakathi kolwandle emhlabathini owomileyo. ¹⁷ Bheka, mina ngiyakuzenza lukhuni izinhliziyo zabaseGibithe , babalandele; ngizakudunyiswa ngoFaro nangempi yakhe yonke , ngezinqola zakhe nangabamahhashi bakhe. ¹⁸ AbaseGibithe bazakwazi ukuthi nginguJehova , nxa ngidunyisiwe ngoFaro , ngezinqola zakhe nangabamahhashi bakhe. ¹⁹ Ingelosi kaNkulunkulu eyayihambile phambi kwempi ka -Israyeli yasuka yahamba emva kwabo , nensika yefu yasuka phambi kwabo , yema emva kwabo. ²⁰ Yafika phakathi kwempi yaseGibithe nempi yakwa-Israyeli; kwakukhona ifu nobumnyama, noma ikhanya ebusuku , ukuze izimpi zingakwazi ukusondelana ubusuku bonke. ²¹ UMose wayeselula isandla sakhe phezu kolwandle ; uJehova wamukisa amanzi ngomoya onamandla wasempumalanga ubusuku bonke , waphendula ulwandle lwaba ngumhlabathi owomileyo, amanzi ahlukana. ²² Abantwana bakwa -Israyeli bangena phakathi kolwandle emhlabathini owomileyo; amanzi aba lugange kubo ngakwesokunene nangakwesokhohlo. ²³ AbaseGibithe babaxosha , bangena emva kwabo ngaphakathi kolwandle , namahhashi onke kaFaro, nezinqola zakhe, nabamahhashi bakhe. ²⁴ Kwathi ngomlindo wokusa uJehova walunguza impi yabaseGibithe , esensikeni yomlilo neyefu, wayidunga impi yabaseGibithe. ²⁵ Wawisa amasondo ezinqola ukuba bahambise kalukhuni , baze bathi abaseGibithe: Masibaleke ebusweni buka -Israyeli, ngokuba uJehova uyabalwela emelene nabaseGibithe. ²⁶ Wayesethi uJehova kuMose : Yelula isandla sakho phezu kolwandle ukuba amanzi abuyele phezu kwabaseGibithe , phezu kwezinqola zabo nabamahhashi babo. ²⁷ UMose wayeselula isandla sakhe phezu kolwandle , ulwandle lwabu yela endaweni yalo ngokufika kokusa ; abaseGibithe balubalekela ; uJehova wabathuntuthela abaseGibithe phakathi kolwandle. ²⁸ Amanzi abuyela , asibekela izinqola , nabamahhashi, nayo yonke impi kaFaro eyangena elwandle emva kwazo; akwasala noyedwa kubo. ²⁹ Kepha abantwana bakwa -Israyeli bahamba emhlabathini owomileyo phakathi kolwandle ; amanzi aba lugange kubo ngakwesokunene nangakwesokhohlo. ³⁰ Kanjalo uJehova wasindisa u -Israyeli esandleni sabaseGibithe ; u-Israyeli wababona abaseGibithe befile ogwini lolwandle. ³¹ U-Israyeli wabona umsebenzi omkhulu uJehova awenzile phezu kwabaseGibithe; abantu base bemesaba uJehova , bakholwa nguJehova nenceku yakhe uMose.