¹ Zwanini leli zwi engiliphakamisa phezu kwenu libe yisililo ngendlu ka - Israyeli. ² Iwile intombi yakwa -Israyeli, ayisayikuvuka; iphonsiwe phansi , akakho ongayivusa. ³ Ngokuba isho kanje iNkosi uJehova , ithi: Umuzi owaphuma uyinkulungwane uyakushiya ikhulu , nowaphuma uyikhulu uyakushiya ishumi kuyo indlu yakwa-Israyeli. ⁴ Ngokuba usho kanje uJehova kuyo indlu yakwa-Israyeli, uthi: Ngifuneni, niphile. ⁵ Kepha ningalifuni iBethele , ningangeni eGiligali, ningadluleli eBeri Sheba , ngokuba iGiligali liyakuthunjwa nokuthunjwa, neBethele liyakuba yize. ⁶ Funani uJehova , niphile, funa afikele indlu kaJosefa njengomlilo, udle, kungekho owucimayo eBethele. ⁷ Nina enih lanekezela ukwahlulela kube ngumhlonyane , nilahle phansi ukulunga; ⁸ nimfune owenza isiLimela neMpambano , ophendula ithunzi lokufa libe ngukusa, ayenze imini ibe mnyama njengobusuku , obiza amanzi olwandle , awathululele ebusweni bomhlaba nguJehova igama lakhe ⁹ owenza ukuchitha ukuba kunyazime phezu kwabanamandla , nencithakalo ukuba yehlele izinqaba. ¹⁰ Bayamzonda ofakazela ukulunga esangweni; okhuluma ubuqotho banengwa nguye. ¹¹ Ngalokho, ngokuba ninyathela abampofu, namukele kuye isipho samabele, noma nakha izindlu ngamatshe abaziwey o aniyikuhlala kuzo , nokuba nitshala izivini ezinhle aniyikuphuza iwayini lazo. ¹² Ngokuba ngiyazi ukuthi iziphambeko zenu zining i nokuthi izono zenu zinkulu, nina enicindezela abalungileyo , namukela umvuzo , nenichezukisa abampofu esangweni. ¹³ Ngalokho ohlakaniphileyo uyakuthula ngaleso sikhathi , ngokuba kuyisikhathi esibi lesi. ¹⁴ Funani okuhle, hhayi okubi, ukuze niphile, abe nani uJehova uNkulunkulu Sebawoti kanjalo, njengalokhu nisho. ¹⁵ Zondani okubi , nithande okuhle , nimise uk wahlulela esangweni ; mhlawumbe uJehova uNkulunkulu Sebawoti uyakuba nomus a kuyo insali yakwaJosefa. ¹⁶ Ngalokho usho kanje uJehova uNkulunkulu Sebawoti , iNkosi, uthi: Ezigcawini zonke kuyakuba khona ukukhala , nakuzo zonke izitaladi bayakusho ukuthi: Maye, maye! babize umlimi ukuba akhale, nabaziyo izililo ukuba balile; ¹⁷ nakuzo zonke izivini kuyakuba khona ukukhala , ngokuba ngiyakudlula phakathi kwakho, usho uJehova. Usuku lukaJehova ¹⁸ Wo kinina enifisa usuku lukaJehova ! Luyakunisizani usuku lukaJehova ? Lungubumnyama, alusikho ukukhanya. ¹⁹ Kunjengalokhu umuntu ebalekela ingonyama , kuhlangane naye ibhere , noma engena endlini encike ngesandla odongeni, alunywe yinyoka. ²⁰ Lungubumyama usuku lukaJehova , alusikho ukukhanya , nesigayegaye okungekho kuso ukukhazimula. ²¹ Ngiyayizonda, ngiyayidelela imikhosi yenu, angenameli imihlangano yenu. ²² Noma ninikela kimi ngeminikelo yen u yokushiswa kanye neminikelo yenu yempuphu, angiyenameli, futhi angibhek i iminikelo yenu yokubonga yamathole akhuluphalisiweyo. ²³ Susa kimi umsindo wezihlabelelo zakho, angiyikuzwa imvunge yezingubhu zakho. ²⁴ Kepha ukwahlulela makugobhoze njengamanzi, nokulunga njengomfula onganqamukiyo. ²⁵ Naletha kimi imihlatshelo neminikelo yempuphu ehlan e iminyaka engamashumi amane, nina ndlu ka-Israyeli, na? ²⁶ Seniyakuthwala uSakuti inkosi yen u noKhewani inkanyezi kankulunkulu wenu, izithombe zenu enizenzele zona. ²⁷ Ngiyakunenza ukuba nithunjelwe ngaphesheya kweDamaseku , usho uJehova ogama lakhe linguNkulunkulu Sebawoti.