¹ Selidlulile isabatha , oMariya Magd alena, noMariya unina kaJakobe , noSalome bathenga amakha ukuba beze bamgcobe. ² Ekuseni kakhulu ngosuku lokuqala lweviki beza ethuneni ekuphumeni kwelanga. ³ Bakhuluma bodwa, bathi: Ngubani oyakusigingqela itshe, lisuke emnyango wethuna na? ⁴ Bathi ukubheka , babona ukuthi itshe seligingqiwe ; ngokuba lalilikhulu kakhulu. ⁵ Kuthe bengena ethuneni , babona insizwa ihlezi ngakwesokunene yembethe ingubo ende emhlophe; bethuka. ⁶ Kepha yathi kubo : Ningethuki; nifuna uJesu waseNazaretha obebethelwe esiphambanweni; uvukile; kakho lapha ; bhekani nansi indawo lapho bebembeke khona. ⁷ Kodwa hambani nitshele abafundi bakhe kanye noPetru ukuthi uyanandulela ukuya eGalile; nizakumbona lapho, njengalokho eshilo kini. ⁸ Base bephuma, babaleka ethuneni, ngokuba babefikelwe ngukuthu thumela nokumangala, kabashongo lutho kumuntu, ngokuba babesaba. Ukuzibonakalisa kukaJesu emva kokuvuka kwakhe nokukhuphukela kwakhe ezulwini ⁹ Esevukile, kusekuseni ngosuku lokuqala lweviki , wabonakala kuqala kuMariya Magdalena ayekhiphe kuye amademoni ayisikhombisa. ¹⁰ Yena wahamba wababikela labo ababe naye uJesu, besalila bekhala. ¹¹ Kwathi bona sebezwile ukuthi uyaphila nokuthi uboniwe nguye , abaze bakholwa. ¹² Emva kwalokho wabonakala ngesinye isimo kwababili kubo behamba beya emaphandleni. ¹³ Nabo bahamba babikela abanye; nalabo abaze bakholwa. ¹⁴ Ngasemuva wabonakala kwabayishumi nanye behlezi ekudleni , wabasola ngokungakholwa kwabo nangobulukhuni benhliziyo yabo , ngokuba bengakholwanga yilabo abambonileyo esevukile. ¹⁵ Wayesethi kubo: Hambani niye ezweni lonke, nishumayele ivangeli kukho konke okudaliweyo. ¹⁶ Okholwayo abhapathizwe uyakusindiswa , kepha ongakholwayo uyakulahlwa. ¹⁷ Lezi zibonakaliso ziyakubalandela abakholwayo : ngegama lami bayakukhipha amademoni, bashumayele ngezilimi ezintsha, ¹⁸ baphathe izinyoka ; uma bephuza okubulalayo , akusoze kwaba nangozi ; bayakubeka izandla phezu kwabagulayo, basinde. ¹⁹ Njalo-ke iNkosi uJesu isikhulumile kubo yakhushulelwa ezulwini , yahlala ngakwesokunene sikaNkulunkulu. ²⁰ Kepha bona bephuma bashumayela ezindawe ni zonke , iNkosi isebenza nabo, iqinisa izwi ngezibonakaliso ezilandelayo.