¹ Elokugcina, bazalwane bami, thokozani eNkosini. Ukunilobela khona lokho angikwenqeni, kepha nina kuyanigcina. ² Xwayani izinja, nixwaye izisebenzi ezimbi, nixwaye abokusika. ³ Ngokuba singukusoka thina e sikhonza ngoMoya kaNkulunkulu , sizibonga kuKristu Jesu, singethembi enyameni, ⁴ nakuba nami bengingaba nokwethemba enyameni . Uma omunye umuntu ecabanga ukuthi unokwethemba enyameni, mina kakhulu; ⁵ ngasokwa ngosuku lwesishiyagalombili ngingowohlanga luka -Israyeli, owesizwe sakwaBenjamini, umHeberu wamaHeberu, ngokomthetho umFarisi; ⁶ ngokokushisekela ngingowazingela ibandla, ngokokulunga okusemthethweni ngingongasolekiyo. Ukulunga okukuKristu kuyinzuzo ⁷ Kanti-ke lokho okwakuyinzuzo kimi ngakushaya indiva ngenxa kaKristu. ⁸ Yebo impela, konke ngikushaya indiva ngobukhulu bokumazi uKristu Jesu iNkosi yami , engilahlekelwe yikho konke ngenxa yakhe , ngikushaya izibi , ukuze ngizuze uKristu, ⁹ ngifunyanwe kuyena , ngingenakho ukulunga okungokwami okuya ngomthetho ko dwa lokho okuya ngokukholwa nguKristu , ngisho ukulunga okuvela kuNkulunkulu ngokukholwa, ¹⁰ ukuze ngimazi yena , namandla okuvuka kwakhe , nokuhlanganyela ezinhluphekweni zakhe, ngimfuze ngokufa kwakhe, ¹¹ uma mhlawumbe ngingaze ngifinyelele ekuvukeni kwabafileyo, ¹² kungesikho ukuthi sengibambile nokuthi sengiphelelisiwe , kepha ngijonga ukuba kumbe ngingakubamba yini lokho nami engabanjelwa khona nguKristu Jesu. ¹³ Bazalwane, angisho ukuthi mina uqobo sengikubambile ; kepha kunye engikwenzayo: ngikhohlwa okungasemuva, ngizelulela kokungaphambili, ¹⁴ ngijonge emgomeni , emklomelweni wokubizwa okukhulu kwaphezulu nguNkulunkulu kuJesu Kristu. UPawulu ubaluleka ngokumlandela yena ¹⁵ Ngakho-ke thina sonke esiphelele masibe nokuqonda okunjalo; kepha uma kokuthile niqonda ngokunye, nalokho uNkulunkulu uyakunambulela khona, ¹⁶ kuphela ukuthi kwesesifinyelele kukho, sihambe ngawo lowo mkhondo. ¹⁷ Ngilingiseni, bazalwane, nibabhekisise abahamba njengathi esiyisibonelo kini. ¹⁸ Ngokuba abaningi , enganitshela kaningi ngabo nam anje nginitshela nangezinyembezi, bahamba beyizitha zesiphambano sikaKristu, ¹⁹ abakuphela kwabo ngukubhujiswa , abankulunkulu wabo yisisu , nodumo lwabo lusehlazweni labo, abangabanaka okomhlaba. ²⁰ Kepha thina singabombuso wasezulwini , lapho futhi silindela khona ukuba kuvele uMsindisi, iNkosi uJesu Kristu, ²¹ oyakuguqula isimo somzimba wethu wokuthotshiswa , ufane nomzimba wakhe wenkazimulo, ngamandla angazihlelela ngawo konke phansi kwakhe.