¹ Bantwana, lalelani abazali benu eNkosini, ngokuba lokho kulungile. ² Yazisa uyihlo nonyoko, okungumyalelo wokuqala onesithembiso: ³ ukuze kube kuhle kuwe, uhlale kade emhlabeni. ⁴ Nani boyise , ningabathukuthelisi abantwana benu , kodwa nibondle ngokuyala nangokuqondisa kweNkosi. Iziluleko kuzo izinceku namakhosi ⁵ Zinceku, abangamakhosi enu ngokwenyama , balaleleni ngokwesaba nokuthuthumela ngobuqotho benhliziyo yenu kungathi kukuKristu, ⁶ ningathengi amehlo njengabathokozisa abantu , kodwa njengezinceku zikaKristu nenze intando kaNkulunkulu ngenhliziyo, ⁷ nikhonze ngothando kungathi kuseNkosini kungekubantu, ⁸ nazi ukuthi konke okuhle yilowo nalowo akwenzayo , uzakukwamukela okunjalo eNkosini, noma eyinceku noma engokhululekileyo. ⁹ Nani makhosi , yenzani okunjalo kuzo , niyeke ukusongela, nazi ukuthi neyazo neyenu iNkosi isezulwini nokuthi ukukhetha umuntu akukho kuye. Izikhali zamaKristu ¹⁰ Elokugcina, qinani eNkosini nasemandleni ayo amakhulu. ¹¹ Hlomani izikhali zonke zikaNkulunkulu , ukuze nibe namandla okumelana namaqhinga kaSathane; ¹² ngokuba asibambene negazi nen yama, kodwa sibambene nemibuso , namandla, nababusi bezwe balobu bumnyama , nabawomoya bobubi emkhathini. ¹³ Ngakho hlomani izikhali zonke zikaNkulunkulu ukuba nibe namandla okuzabalaza ngosuku olubi, nalapho senifeze konke, nime. ¹⁴ Ngakho yimani izinkalo z enu ziboshiwe ngeqiniso , nifakile isivikelo sesifuba sokulunga, ¹⁵ izinyawo zigqokisiwe ukulungela kukho ukushumayela ivangeli lokuthula; ¹⁶ kukho konke nithathe isihlangu sokukholwa eniyakuba namandla okucima ngaso yonke imicibisholo evuthayo yomubi, ¹⁷ namukele futhi isigqoko sensindiso , nenkemba kaMoya eyizwi likaNkulunkulu, ¹⁸ ngokukhuleka konke nokunxusa , nikhuleka ngezikhathi zonke ngoMoya ; kulokho nilinde ngesineke sonke nangokunxusela abangcwele bonke, ¹⁹ ninginxusele nami ukuba ngiphiwe izwi , nxa ngivula umlomo wami, ngize ngiyishumayele ngesibindi imfihlakalo yevangeli; ²⁰ engiyisithunywa ngalo esiboshiwe ngamaketanga , ukuze ngikhulume ngesibindi ngalo, njengokuba kufanele ukuba ngikhulume. Isigcino ²¹ Kepha ukuba nani nazi okuqondene nami nalokhu e ngikwenzayo, uyakunazisa konke uThikhiku , umzalwane othandekayo nesikhonzi esikholekileyo eNkosini, ²² engamthumela kini ngakho lokho ukuba nazi izindaba zethu , nokuba aduduze izinhliziyo zenu. ²³ Ukuthula makube kubazalwane , nothando kanye nokukholwa okuvel a kuNkulunkulu uYise naseNkosini uJesu Kristu. ²⁴ Umusa mawube nabo bonke abathanda iNkosi yethu uJesu Kristu ngokunganqamukiyo.