¹ Emva kwezinsuku eziyisihlanu umpristi omkhulu u-Ananiya wewuka kanye namalunga athile nommeli othile uTertulu ; laba bammangalela uPawulu kumbusi. ² Yena esebiziwe, uTertulu waqala ukumbeka icala, ethi: Lokho ukuthi ngenxa yakho sitholile ukuthula okukhulu nangokubonelela kwakho lesi sizwe senzelwe okuhle okuningi ³ siyakwamukela ngezikhathi zonke nasezindaweni zonke ngokubonga okukhulu, Feliksi odumileyo. ⁴ Kepha ukuba ngingakubambezeli, ngiyakuncenga ukuba ngobumnene bakho usizwe ngokufushane. ⁵ Ngokuba le ndoda siyifumene iyishinga ivusa ukwambuka phakathi kwabaJuda ezweni lonke, iyinhloko yehlelo lamaNazaretha, ⁶ yalinga nokungcolisa ithempeli ; sayibamba, sathanda ukuyahlulela ngomthetho wakithi. ⁷ Kepha kwafika uLisiya induna yenkulungwane , wamthatha ngendluzula enkulu ezandleni zethu, ⁸ eyala abambeka icala ukub a beze kuwe , ukuze umbuzisise wena uqobo , uzwe ngakho konke esimmangalela ngakho. ⁹ NabaJuda bakuvuma lokho, bathi kunjalo. ¹⁰ Umbusi esemqhwebile ukuba akhulume , uPawulu waphendula wathi : Lokhu ngiyazi ukuthi sekuyiminyaka eminingi ungumahluleli kulesi sizw e, ngiyaziphendulela ngesibindi; ¹¹ futhi ungaqonda ukuthi akungaphezu kwezinsuku eziyishumi nambili ngikhuphukile ukuyokhuleka eJerusalema; ¹² abangifumananga ngiphikisana namuntu , nakuba ngivusa isiphithiphithi esixukwini, nasethempelini, nasemasinagogeni, nasemzini, ¹³ futhi bangekuqinise kuwe lokhu abangibeka icala ngakho manje. ¹⁴ Kepha ngiyavuma lokhu kuwe ukuthi ngeNdlela abathi iyihlelo ngiyamkhonza ngokunjalo uNkulunkulu wawobaba , ngikholwa yikho konke okulotshiwe emthethweni nakubaprofethi; ¹⁵ nginethemba kuNkulunkulu abalibheka nabo uqobo lokuthi kuyakuba khona ukuvuka kwabafileyo, okwabalungile nokwabangalungile. ¹⁶ Kulokhu nami ngiyazama ukuba njalo ngibe nonembeza ongenacala phambi kukaNkulunkulu nabantu. ¹⁷ Kwathi emva kweminyaka eminingi ngafik a ukuletha izipho esizweni sakithi neminikelo, ¹⁸ okuthe ngikulokho bangifumana ethempelini ngihlanjululiwe , kungekho isixuku nomsindo, ¹⁹ abaJuda abathile base-Asiya ababefanele ukuvela phambi kwakho , bangimangalele, uma benotho ngami. ²⁰ Nokuba mabasho lab a ukuthi bafumanani okungalungile mhla ngimi phambi komphakathi, ²¹ ngaphandle kwalelo zwi elilodwa engalimemeza ngimi phakathi kwabo lokuthi: Ngokuvuka kwabafileyo mina ngimangalelwa yinina namuhla. ²² Kepha uFeliksi ekwazi ngokuchachileyo okwaleyo Ndlela wabahlehlisa ethi: Lapho uLisiya induna yenkulungwane esewukile , ngizakuyinquma indaba yenu, ²³ wayala induna yekhulu ukuba agcinwe , kepha abe nenkululeko , kunganqatshelwa muntu wakubo ukumkhonza. UPawulu ushumayela kuFeliksi ngoKristu ²⁴ Kepha emva kwezi nsuku ezithile wafika uFeliksi noDrusila umkakhe owayengumJudakazi, wabiza uPawulu , wamuzwa ngokukholwa nguKristu Jesu. ²⁵ Esakhuluma ngokulunga, nangokuzithiba, nangokwahlulela okuzayo , uFeliksi washaywa luvalo, waphendula wathi: Okwamanje hamba; kepha nxa ngithola isikhathi, ngizakukubiza, ²⁶ wethemba futhi ukuthi uzakunikwa imali nguPawulu ; ngalokho wayehleze embiza, ekhuluma naye. ²⁷ Kepha sekuphelile iminyaka emibili, uFeliksi walandelwa nguPorkiyu Festu; kodwa uFeliksi efuna ukubongwa ngabaJuda washiya uPawulu eboshiwe.