¹ Ndodana yami, uma uyisibambiso somakhelwane wakho , uma uxhawulene nomfokazi, ² ucushiwe ngamazwi omlomo wakho, ubanjiwe ngamazwi omlomo wakho, ³ yenza lokhu phela , ndodana yami , uzophule, lokhu ungene esandleni somakhelwane wakho: khothama phambi kwakhe, umncengisise. ⁴ Unganiki amehlo akho ubuthongo, nezinkophe zakho ukozela. ⁵ Zophule njengensephe kumzingel i nanjengenyoni esandleni somthiyi wezinyoni. ⁶ Yana entuthwaneni, vilandini, ubone izindlela zayo, uhlakaniphe, ⁷ yona ethi ingenamahluleli, nambonisi, nambusi, ⁸ ilungisa nokho ehlobo isinkwa sayo , ibuthe ngesikhathi sokuvuna ukudla kwayo. ⁹ Uyakulala kuze kube nini , vilandini? Uyakuvuka nini ebuthongweni bakho na? ¹⁰ Ubuthongo obuncane, ukozela okuncane, ukusonga izandla kancane kuze kulalwe, ¹¹ bese kuthi ubumpofu bakho bufike njengomhambuma , nokuswela kwakho njengomuntu wesihlangu. ¹² Umuntu omubi, umuntu wokona, nguye ohamba nomlomo ophambeneyo, ¹³ oqwayiza amehlo, eshudula ngezinyawo zakhe, ekhomba ngeminwe. ¹⁴ Ubuphoxo busenhliziyweni yakhe ; uceba okubi ngesikhathi sonke ; ususa ukuxabana. ¹⁵ Ngalokho ingozi yakhe iyakufika ngokuzumayo; ngokuphazima kweso uyakwaphulwa, kungabikho ukuphiliswa. ¹⁶ Kukhona izinto eziyisithupha azizondayo uJehova , yebo, eziyisikhombisa eziyizinengiso emphefumulweni wakhe: ¹⁷ amehlo azidlayo, nolimi lwamanga, nezandla ezichitha igazi elingenacala, ¹⁸ nenhliziyo eceba imicabango emibi , nezinyawo ezishesha ukugijimela ebubini, ¹⁹ nofakazi wamanga ophafuza inkohliso , obanga ukuxabana phakathi kwabazalwane. Izindlela zokuphinga ²⁰ Ndodana yami, gcina umyalo kayihlo, ungawushiyi umthetho kanyoko. ²¹ Yibophe enhliziyweni yakho njalo, uyithekeleze entanyeni yakho. ²² Mayikuhole ekuhambeni kwakho , ikulondoloze ekulaleni kwakho , ikhulume kuwe ekuvukeni kwakho. ²³ Ngokuba imiyalo iyisibani, nomthetho ungukukhanya, nokusola ngokulaya kuyindlela yokuphila, ²⁴ ukuze ugcinwe kowesifazane omubi , nasekuthopheni kolimi lowes ifazane ondindayo. ²⁵ Ungakhanuki ubuhle bakhe enhliziyweni yakho, angakubambi ngezinkophe zakhe. ²⁶ Ngokuba intengo yowesifazan e oyisiphingi iyiqebelengwane lesinkwa, kepha umfazi womuntu uzingela umphefumulo onqabileyo. ²⁷ Umuntu angaphatha umlilo esifubeni sakhe, izingubo zakhe zingashi, na? ²⁸ Umuntu angahamba phez u kwamalahle avuthayo , izinyawo zakhe zingahanguki, na? ²⁹ Unjalo yena ongena kumkamakhelwane : akuyikuthiwa ongenacala noma yimuphi omthintileyo. ³⁰ Abamdeleli yini oyisela ukuthi uyeba ukuba azisuthise lapho elambile na? ³¹ Uma efunyanwa , uyakubuyisa kasikhombisa , anikeze yonke impahla yendlu yakhe. ³² Ophinga nowesifazane akanakho ukuqonda ; wenza lokho okuchitha umphefumulo wakhe. ³³ Uyakuthola imivimbo nehlazo, nenhlamba yakhe ayiyikwesulwa. ³⁴ Ngokuba isikhwele sendoda singukufutheka ; ayiyikuyeka ngosuku lokuphindisela. ³⁵ Ayiyikunaka neze ihlawulo; ayaneliswa, noma uphana ngezipho eziningi.