¹ Umuntu osolwayo , onentamo elukhuni kodwa , uyakwaphulwa ngokuphazima kweso, engenakuphulukiswa. ² Abantu bayathokoza ngokwanda kwabalungileyo , kepha ngokubusa kwababi abantu bayabubula. ³ Umuntu othanda ukuhlakanipha uthokozisa uyise, kepha umngane wezifebe uchitha imfuyo yakhe. ⁴ Inkosi iqinisa izwe ngokwahlulela, kepha umuntu olithelisayo uyalichitha. ⁵ Umuntu othopha umakhelwane wakhe wenekela izinyawo zakhe inetha. ⁶ Esiphambekweni somuntu omub i kukhona ugibe , kepha olungileyo uyenanela, athokoze. ⁷ Olungileyo uyazi indaba yabampofu, kepha omubi akayiqondi. ⁸ Abantu abayizideleli bavusa umuzi , kepha abahlakaniphileyo babuyisa ulaka. ⁹ Uma ohlakaniphileyo ephikisene nesiwula , siyadlova sihleke , nokuthula akukho. ¹⁰ Abantu begazi bayazonda opheleleyo , kepha abaqotho banaka umphefumulo wakhe. ¹¹ Isiwula sikhipha lonke ulaka lwaso , kepha ohlakaniphileyo uyalugodla ekugcineni. ¹² Uma umbusi elalela indaba yamanga, zonke izinceku zakhe zimbi. ¹³ Ompofu no cindezelayo bandawonye ; uJehova ukhanyisa amehlo abo bobabili. ¹⁴ Inkosi eyahlulela abampofu ngeqiniso , isihlalo sayo sobukhosi siyakuma phakade. ¹⁵ Uswazi nokusola kuyanika ukuhlakanipha , kepha umntwana oyekwayo uyahlazisa unina. ¹⁶ Ngokwanda kwababi kuya nda iziphambeko, kepha abalungileyo bayakubuka ukuwa kwabo. ¹⁷ Yilaye indodana yakho , iyakukuphumuza, yebo, iyakuthokozisa umphefumulo wakho. ¹⁸ Lapho kungekho mbono khona , abantu bayadlubulunda , kepha ogcina umthetho ubusisiwe. ¹⁹ Inceku ayisolwa ngamazwi, ngokuba noma iqonda ayilaleli. ²⁰ Uyabona umuntu oshesha ngamazwi na ? Kukhona ithemba ngesiwula kunangaye. ²¹ Inceku ekhuliswa kahle kwasebuntwaneni iyakuba yindodana ekugcineni. ²² Umuntu onolaka uvusa ukuxabana , nomuntu ofuthekayo uvama ukuphambeka. ²³ Ukuzidla komuntu kuyamthobisa , kepha onomoya othobekileyo uyazuza udumo. ²⁴ Ohlanganyela nesela uzonda umphefumulo wakhe; uyezwa isifungo, kepha akasidaluli. ²⁵ Ukwesaba abantu kubeka ugibe, kepha owethemba uJehova uyalondeka. ²⁶ Abaningi bafuna ubuso bombusi , kepha ukwahlulelwa komuntu kuvela kuJehova. ²⁷ Umuntu owonakeleyo uyisinengiso kwabalungileyo , noqotho endleleni uyisinengiso komubi.