¹ Njengeqhwa ehlobo nemvula ngesikhathi sokuvuna , kanjalo udumo alufanele isiwula. ² Njengomzwilili ekuhambeni kwaw o nanjengenkonjane ekundizeni kwayo , kanjalo isiqalekiso esingenasizathu asizi. ³ Isiswebhu singesehhashi, netomu lingelembongolo, noswazi lungolomhlane weziwula. ⁴ Ungasiphenduli isiwula njengobuwula baso, funa ufane naso. ⁵ Phendula isiwula njengobuwula baso , funa sibe ngohlakaniphileyo emehlweni aso. ⁶ Othuma izwi ngesandla sesiwula unquma izinyawo zakhe, uphuza ingozi. ⁷ Imilenze yonyonga iyalengalenga; zinjalo izaga emilonyeni yeziwula. ⁸ Njengobopha itshe endwayimaneni, unjalo onika isiwula udumo. ⁹ Njengeva elingena esandleni sesidakwa, sinjalo isaga emlonyweni weziwula. ¹⁰ Ingqongqo yenza konke yodwa; oqasha isiwula uqasha abadlulayo nje. ¹¹ Njengenja ebuyela ebuhlanzweni bayo, kanjalo isiwula siphinda ubuwula baso. ¹² Uyabona umuntu ohlakaniphile emehlweni akhe na ? Kukhona ithemba ngesiwula kunaye. ¹³ Ivila lithi: Kukhona ingonyama endleleni nebhubesi esigcawini. ¹⁴ Isicabha siphenduka ngezingibe zaso, nevila ecansini lalo. ¹⁵ Ivila liyafaka isandla salo esitsheni ; kuyamkhathaza ukusibuyisela emlonyeni walo. ¹⁶ Ivila lihlakaniphile emehlweni al o kunabayisikhombisa abaphendula ngokuhlakanipha. ¹⁷ Odlula nje ehlanganye la ukuxabana okungesikho okwakh e unjengobamba inja ngezindlebe zayo. ¹⁸ Njengohlanya oluphonsa izikhuni nemicibisholo ebulalayo, ¹⁹ unjalo umuntu okhohlisa umakhelwane wakhe , ethi: Angithi ngintelile nje na? ²⁰ Ngokuphela kwezinkuni umlilo uyacimeka, nalapho kungekho abancethezi, kuyabodla ukuxabana. ²¹ Njengamalahle othuthwini nezinkuni emlilweni , unjalo umuntu ophikisa ukuvusa inkani. ²² Amazwi omncethezi anjengesibiliboco: ayehlela kokuphakathi komuntu. ²³ Izindebe ezishisayo nenhliziyo emb i kunjengesitsha sebumba esinamekwe ngamanyela esiliva. ²⁴ Ozondayo uyazenzisa ngezindebe zakhe , ubekelela inkohliso enhliziyweni yakhe. ²⁵ Lapho enza izwi lakhe libe mnandi , ungakholwa nguye, ngokuba kukhona izinengiso eziyisikhombisa enhliziyweni yakhe. ²⁶ Noma inzondo yakhe isibekelwa ngenzondo, ububi bakhe buyakwambulwa ebandleni. ²⁷ Omba umgodi uyakuwela kuwo , nogingqa itshe , liyakubuyela phezu kwakhe. ²⁸ Ulimi lwamanga luyazonda olubachobozileyo , nomlomo othophayo usebenza incithakalo.