¹ Impendulo ethambileyo iyabuyisa ukufutheka , kepha izwi elilukhuni livusa ulaka. ² Ulimi lwabahlakaniphileyo luveza kahle ukwazi , kepha umlomo weziwula uphafuza ubuwula. ³ Amehlo kaJehova asezindaweni zonke; aqaphela ababi nabahle. ⁴ Ulimi oluthulayo lungumuthi wokuphila , kepha ukuphambanisa kwalo kungukuchotshozwa komoya. ⁵ Isiwula siyadelela ukulaya kukayise , kepha onaka ukusolwa uyathola ukuqonda. ⁶ Endlini yolungileyo kukhona ingcebo eningi , kepha enzuzweni yababi kukhona ukuhlupheka. ⁷ Izindebe zabahlakaniphileyo ziyasakaza ukwazi , kepha izinhliziyo zeziwula azinjalo. ⁸ Umhlatshelo wababi uyisinengiso kuJehova , kepha umkhuleko wabaqotho uyintokozo yakhe. ⁹ Indlela yababi iyisinengiso kuJehova , kepha uyamthanda olandela ukulunga. ¹⁰ Ukulaywa kukhulu koyishiya indlela; ozonda ukusolwa uyakufa. ¹¹ Indawo yabafileyo nokubhubha kuphambi kukaJehova ; kakhulu kangakanani izinhliziyo zabantwana babantu. ¹² Isideleli asithandi ukusolwa; asiyi kwabahlakaniphileyo. ¹³ Inhliziyo ethokozayo yenza ubuso bube buhle , kepha ngosizi lwenhliziyo uyachotshozwa umoya. ¹⁴ Inhliziyo yoqondileyo iyafuna ukwazi , kepha umlomo weziwula uyadla ubuwula. ¹⁵ Zonke izinsuku zohluphekayo zimbi , kepha onhliziyo yakhe yenamile unedili njalo. ¹⁶ Okuncane kanye nokumesaba uJehova kungcono kunengcebo eningi kanye nokukhathazeka. ¹⁷ Isidlo semifino lapho kukhona uthando singcon o kunenkabi ekhuluphalisiweyo kanye nenzondo. ¹⁸ Umuntu ofuthayo uyavusa ukuxabana , kepha owephuza ukuthukuthela uthulisa ingxabano. ¹⁹ Indlela ye vila injengothango lobobe , kepha umkhondo wabakhutheleyo ungumendo. ²⁰ Indodana ehlakaniphileyo iyajabulisa uyise , kepha umuntu oyisiwula uyadelela unina. ²¹ Ubuwula buyintokozo kongenangqondo , kepha umuntu oqondileyo uyaqondisa ukuhamba kwakhe. ²² Lapho k ungekho khona ukululekana , amasu ayachitheka , kepha ngobuningi babeluleki ayakuma. ²³ Umuntu uyathokoza ngokuphendula komlomo wakhe , nezwi ngesikhathi salo lihle kangakanani! ²⁴ Kohlakaniphileyo indlela yokuphila iya phezul u ukuba adede endaweni yabafileyo phansi. ²⁵ Indlu yabaziqhenyayo uJehova uyayisiphula , kepha uyamisa umkhawulo womfelokazi. ²⁶ Amacebo amabi ayisinengiso kuJehova , kepha amazwi acwebileyo ayamenamisa. ²⁷ Ohahela inzuzo uhlupha indlu yakhe, kepha ozonda imivuzo uyakuphila. ²⁸ Inhliziyo yolun gileyo iyacabanga ukuphendula , kepha imilomo yababi iyaphafuza izinto ezimbi. ²⁹ UJehova ukude nababi, kepha uyezwa imikhuleko yabalungileyo. ³⁰ Ukukhanya kwamehlo kuyathokozisa inhliziyo , nezindaba ezinhle ziyanonisa amathambo. ³¹ Indlebe elalela ukusola ko kuphila iyakuhlala phakathi kwabahlakaniphileyo. ³² Onqaba ukulaywa udelela umphefumulo wakhe , kepha olalela ukusolwa uzuza ingqondo. ³³ Ukumesaba uJehova kungukulaywa kokuhlakanipha ; ukuthobeka kuyandulela udumo.