¹ Wayesengikhombisa umfula wamanzi okuphila ucwebezela njengekristalu , uvela esihlalweni sobukhosi sikaNkulunkulu neseWundlu. ² Phakathi kwesitaladi sawo nomfula emace leni omabili kukhona umuthi wokuphila, uthela izithelo eziyishumi nambili, uthela izithelo zawo izinyanga ngezinyanga, namaqabunga omuthi angawokuphulukisa izizwe. ³ Akusayikuba khona nokukodwa ukuqalekisa . Isihlalo sobukhosi sikaNkulunkulu neseWundlu siya kuba kuwo , nezinceku zakhe ziyakumkhonza, ⁴ zibone ubuso bakhe, negama lakhe liyakuba semabunzini azo. ⁵ Ubusuku abusayikuba khona ; abadingi ukukhanya kwesibani nokukhanya kwelanga, ngokuba iNkosi uNkulunkulu iyakubakhanyisela ; bayakubusa phakade naphakade. Iqiniso lombono ⁶ Yayisithi kimi : Lawo mazwi athembekile , aqinisile, neNkosi uNkulunkulu wemimoya yabaprofethi iyithumile ingelosi yayo ukuzikhombisa izinceku zayo okuzakwenzeka masinyane. ⁷ Bheka, ngiyeza masinyane . Ubusisiwe ogcina amazwi esiprofetho s ale ncwadi. ⁸ Mina Johane nginguye owezwa nowabona lezi zinto . Kuthe sengizwile , sengibonile, ngawa phansi ukuba ngikhuleke phambi kwezinyawo zengelosi engikhombisile lezo zinto. ⁹ Yayisithi kimi : Musa; ngiyinceku kanye nawe nabazalwane bakho abaprofethi nabagcina amazwi ale ncwadi; khuleka kuNkulunkulu. ¹⁰ Yathi kimi: Ungavali ngophawu amazwi esiprofetho sale ncwadi , ngokuba isikhathi siseduze. ¹¹ Ongalungile makenze njalo okungalungile , nongcolileyo makazingcolise njalo, kepha olungileyo makenze njalo ukulunga, nongcwele makazingcwelise njalo. ¹² Bheka, ngiyeza masinyane , nomvuzo wami unami ukumnika yilowo nalowo njengokomsebenzi wakhe. ¹³ Ngingu-Alfa no-Omega, owokuqala nowokuphela, isiqalo nesigcino. ¹⁴ Babusisiwe abahlanza izingubo zabo ukuba bathole ilu ngelo labo emthini wokuphila, bangene emzini ngamasango. ¹⁵ Ngaphandle kukhona izinja , nabathakathi, nezifebe, nababulali, nabakhonza izithombe, nabo bonke abathanda nabenza amanga. ¹⁶ Mina Jesu ngithumile ingelosi yami ukufakaza kini lezi zinto emabandleni. Ngiyimpande nenzalo kaDavide, inkanyezi yokusa ecwebezelayo. ¹⁷ UMoya nomlobokazi bathi : Woza! Nozwayo makathi: Woza! Nowomileyo makeze; othandayo makathabathe amanzi okuphila ngesihle. ¹⁸ Ngiyafakaza mina kubo bonke abezwayo amazwi esiprofetho sale ncwadi; uma ekhona owenezela kulokhu, uNkulunkulu uyakwenezela kuye izinhlupho ezilotshiwe kule ncwadi; ¹⁹ futhi uma ekhona osusa utho kuwo amazwi encwadi yalesi siprofetho , uNkulunkulu uyakususa isabelo sakhe emthini wokuphila , nasemzini ongcwele, nakulokhu okulotshiwe kule ncwadi. ²⁰ Ofakaza ngalezi zinto uthi : Yebo, ngiyeza masinyane. Amen. Woza, Nkosi Jesu! ²¹ Umusa weNkosi yethu uJesu Kristu mawube nani nonke. Amen.