¹ Nkulunkulu, sizwile ngezindlebe zethu , okhokho besilandisa ngesenz o owasenzayo emihleni yabo, emihleni yasendulo. ² Nguwe owabaxosha abezizwe ngesandla sakho , kepha bona wabatshala ; wazichitha izizwe, kepha bona wabandisa. ³ Ngokuba abalidlanga izwe ngenkemba yabo, nengalo yabo ayibasindisanga; kepha kwaba yisandla sakho sokunene , nengalo yakho, nokukhanya kobuso bakho, ngokuba wawubathanda. ⁴ Wena Nkulunkulu uyinkosi yami; yaleza ukusindiswa kukaJakobe. ⁵ Ngawe sizakulahla phansi izitha zethu ; ngegama lakho sizakunyathela abasivukelayo. ⁶ Ngokuba angiwethembi umnsalo wami, nenkemba yami ayingisindisi; ⁷ kepha nguwe owasisindisa ezitheni zethu, wajabhisa abasizondayo. ⁸ Sizincoma ngoNkulunkulu usuku lonke; igama lakho siyalibonga kuze kube phakade. Sela ⁹ Nokho ususilahlile, wasijabhisa; awusaphumi nezimpi zethu. ¹⁰ Usihlehlisela emuva esitheni; abasizondayo bayaziphangela. ¹¹ Usinikezele ukudliwa njengezimvu, wasihlakaza phakathi kwabezizwe. ¹² Uthengisa ngesizwe sakho ngokuyize; awuzuzi lutho ngokubiza ngaso. ¹³ Usenza isihlamba kubakhelwane bethu , inhlekiso nendumazo kwabasiphahlileyo. ¹⁴ Usenza isaga kwabezizwe, banikine ikhanda phakathi kwabantu. ¹⁵ Usuku lonke u kudunyazwa kwami kuphambi kwami , namahloni amboza ubuso bami ¹⁶ ngenxa yoklolodayo nojivazayo, ngenxa yesitha nomphindiseli. ¹⁷ Konke lokho kusehlele, kodwa asikukhohlwanga wena ; asisaphulanga isivumelwano sakho. ¹⁸ Inhliziyo yethu ayibuyelanga emuva ; izinyathelo zethu aziphambukanga endleleni yakho, ¹⁹ uze usiphahlaze endaweni yezimpungushe, usimboze ngethunzi lokufa. ²⁰ Uma ngabe sikhohliwe igama likaNkulunkulu wethu , sazelulela izandla zethu kunkulunkulu mumbe, ²¹ uNkulunkulu ubengayikukuhlola na ? Ngokuba yena uyazazi izimfihlakalo zenhliziyo. ²² Yebo, ngenxa yakho sibulawa usuku lonke , siphathiswa okwezimvu zokuhlatshwa. ²³ Vuka, Nkosi! Ulaleleni na? Vuka, ungasilahli njalonjalo. ²⁴ Ubufihlelani ubuso bakho , ukhohlwe ukuhlupheka nokucindezelwa kwethu, na? ²⁵ Ngokuba umphefumulo wethu ukhothamele othulini ; umzimba wethu unamathele emhlabathini. ²⁶ Sukuma, usisize, usihlenge ngenxa yomusa wakho.