¹ Kwathi emva kokufa kukaJoshuwa aban twana bakwa -Israyeli bambuza uJehova, bathi: Ngubani phakathi kwethu oyakusikhuphukelela kuwo amaKhanani kuqala ukulwa nawo na? ² UJehova wathi: Kuyakukhuphuka uJuda; bheka, ngilinikele izwe esandleni sakhe. ³ UJuda wayesethi kuSimeyoni umfowabo : Khuphuka nami, siye esabelweni sami, silwe namaKhanani , nami ngiye esabelweni sakho . USimeyoni wayesehamba naye. ⁴ UJuda wakhuphuka ; uJehova wanikela esandleni sabo amaKhanani namaPherizi, babulala kuwo abantu abayizinkulungwane eziyishumi eBezeki. ⁵ EBezeki bafumana u -Adoni Bezeki , balwa naye , bawabulala amaKhanani namaPherizi. ⁶ Kepha u -Adoni Bezeki wabaleka ; bamxosha, bambamba, bamnquma izithupha nawoqukula. ⁷ Wayesethi u -Adoni Bezeki : Amakhosi angamashumi ayisikhombisa enqunyiwe izithupha nawoqukula acosha ukudla kwa wo phansi kwetafula lami; njengalokho ngenzile, kanjalo uNkulunkulu uphindisele kimi . Bamyisa eJerusalema, wafela khona. ⁸ Abantwana bakwaJuda balwa neJerusalema , balithatha, balichitha ngosiko lwenkemba, bathungela umuzi ngomlilo. ⁹ Ngasemuva behla abantwana bakwaJuda ukuba balwe namaKhanani ayakhe ezintabeni, nangaseningizimu, nasenzansi. ¹⁰ UJuda wayesehlasela amaKhanani ayakhe eHebroni igama leHebroni laliyiKiriyati Araba kuqala babulala oSheshayi, no-Ahimani, noTalimayi. ¹¹ Wasuka lapho, waya kwabakhe eDebiri; igama leDebiri laliyiKiriyati Seferi kuqala. ¹² UKalebi wathi : Onqoba iKiriyati Seferi , alithathe, yena ngiyakumnika u - Akisa indodakazi yami abe ngumkakhe. ¹³ U-Otheniyeli indodana kaKenazi , umnawe kaKalebi , walithatha; wayesemnika u-Akisa indodakazi yakhe abe ngumkakhe. ¹⁴ Kwathi ekufikeni kwakhe wamnxusa ukuba acele insimu kuyise ; wehla embongolweni yakhe; uKalebi wathi kuye: Ukhala ngani? ¹⁵ Wathi kuye : Ngiphe isipho ; lokhu unginike izwe laseningizimu ngiphe nemithombo yamanzi. UKalebi wamupha imithombo yasenhla nemithombo yasenzansi. ¹⁶ Abantwana bomKheni umukhwe kaMose benyuka emzini wamasundu nabantwana bakwaJuda , baya ehlane lakwaJuda elingaseningizimu kwase - Aradi; baya bakha nabantu bakhona. ¹⁷ UJuda wahamba noSimeyoni umfowabo , bachitha amaKhanan i ayakhe eSefati, baliqothula. Igama lomuzi laliyiHorma. ¹⁸ UJuda wathatha iGaza nomkhawulo walo , ne-Ashikeloni nomkhawulo walo, ne-Ekroni nomkhawulo walo. ¹⁹ UJehova wayenaye uJuda , waxosha abasezintabeni ; wayengenakuxosha kodwa abakhe esigodini, lokhu bebenezinqola zensimbi. ²⁰ Bamnika uKalebi iHebroni , njengalokho ebekhulumile uMose ; waxosha khona amadodana amathathu ka-Anaki. ²¹ Abantwana bakwaBenjamini abawaxoshanga amaJebusi ayakhe eJerusalema, kepha amaJebusi ahlala nabantwana bakwaBenjamini eJerusalema kuze kube namuhla. ²² Kwenyukela eBethele nabendlu kaJosefa; uJehova wayenabo. ²³ Abendlu kaJosefa bathuma bahlola iBethele ; igama lomuzi laliyiLuze kuqala. ²⁴ Zase zibona izinhloli umuntu ephuma emzini , zathi kuye: Ake usikhombise intuba yokungena emzini, siyakukwenzela umusa. ²⁵ Wazikhombisa intuba yokungena emzini , zawuchitha umuzi ngosiko lwenkemba; kepha zamvumela lowo muntu nomndeni wakhe ukuba bahambe. ²⁶ Lowo muntu wayesengena ezweni lamaHeti , wakha umuzi , waqamba igama lawo ngokuthi iLuze okuyigama lawo kuze kube namuhla. ²⁷ UManase akaxoshanga abaseBeti Sheyani nemizana yalo, nabaseThahanaki nemizana yalo , nabakhe eDori nemizana yalo , nabakhe eJibileyamu nemizana yalo , nabakhe eMegido nemizana yalo ; amaKhanani aphumelela ukuhlala kulelo zwe. ²⁸ Kwathi u-Israyeli esenamandla , bawasebenzisa amaKhanani , kepha abawaxoshanga nokuwaxosha. ²⁹ Naye u -Efrayimi akaxoshanga amaKhanani ayakhe eGezeri ; kepha amaKhanani ahlala phakathi kwabo eGezeri. ³⁰ UZebuloni akaxoshanga abakhe eKitroni , nabakhe eNahaloli ; kepha amaKhanani ahlala phakathi kwabo, asetshenziswa. ³¹ U-Asheri akaxoshanga abakhe e -Ako, nabakhe eSidoni , nase-Ahlabi, nase- Akizibi, naseHelba, nase-Afiki, naseRehobe; ³² kepha ama-Asheri ahlala phakathi kwamaKhanani ayakhe kulelo zwe , ngokuba abawaxoshanga. ³³ UNafetali akaxoshanga abakhe eBeti Shemeshi nabakhe eBeti Anati , kepha wahlala phakathi kwamaKhanani ayakhe kulelo zwe ; kodwa abakhe eBeti Shemeshi naseBeti Anati basetshenziswa yibo. ³⁴ Ama-Amori adudulela abantwana bakwaDani ezintabeni , ngokuba awabavumelanga ukwehlela esigodini. ³⁵ Kepha ama-Amori aphumelela ukuhlala entabeni yaseHeresi , nase-Ajaloni, naseShahalabimi; kodwa isandla sendlu kaJosefa sahlula, aze asetshenziswa. ³⁶ Umkhawulo wama-Amori wasukela ekwenyukeni kwe -Akarabimi naseSela, waya ngenhla njalo.