¹ UJosiya wamenzela uJehova iphasika eJerusalema ; balihlaba iphasika ngolweshumi nane lwenyanga yokuqala. ² Wamisa abapristi ezikhundleni zabo , wabaqinisa emsebenzini wendlu kaJehova. ³ Washo kumaLevi afundisa wonke u-Israyeli, ayengcwele kuJehova, wathi: Bekani umphongolo ongcwele endlini ayakhayo uSolomoni indodana kaDavide, inkosi yakwa-Israyeli; akusayikubakho mthwalo emahlombe enu ; khonzani manje uJehova uNkulunkulu wenu nabantu bakhe u-Israyeli. ⁴ Zilungiseni ngezindlu zawoyihlo ngezigaba zenu n jengokubhala kukaDavide inkosi yakwa-Israyeli nanjengokubhala kukaSolomoni indodana yakhe, ⁵ nime endaweni engcwele njengamaqembu ezindlu zawoyise babafowenu , abantu besizwe, yilelo nalelo libe nesigaba sendlu kayise yamaLevi. ⁶ Lihlabeni iphasika , nizingcwelise, nilungisele abafowenu ukuba benze njengezwi likaJehova ngesandla sikaMose. ⁷ UJosiya wabanika abantu besizwe bonke ababekhona emihlambini amawundlu namazinyane ezimbuzi , onke abengaweminikelo yephasika , umumo uyizinkulungwane ezingamashumi amathathu nezinkunzi eziyizinkulungwane ezintathu; lokho kwakungokwempahla yenkosi. ⁸ Izikhulu zakhe zabanika abantu , nabapristi, namaLevi iminikelo yesihle . OHilikiya, noZakariya, noJehiyeli, abaphathi bendlu kaNkulunkulu, babanika abapristi amawundlu ayizinkulungwa ne ezimbili namakhulu ayisithupha nezinkabi ezingamakhulu amathathu, kube ngokweminikelo yephasika. ⁹ OKhonaniya, noShemaya, noNethaneli, abafowabo, noHashabiya noJehiyeli, noJozabadi, izinduna zamaLevi , bawanika amaLevi amawundlu ayizinkulungwane eziyisihl anu nezinkabi ezingamakhulu ayisihlanu , kube ngokweminikelo yephasika. ¹⁰ Yayisilungiswa-ke inkonzo ; abapristi bema ezindaweni zabo namaLevi ngezigaba zawo njengesiyalezo senkosi. ¹¹ Balihlaba iphasika, abapristi bafafaza ngezandla zabo, amaLevi alihlinza. ¹² Ayisusa iminikelo yokushiswa ukuba ayabele njengamaqembu ezindlu zawoyise babantu besizwe , ukuze banikele ngayo kuJehova njengokulotshiweyo encwadini kaMose. Enze njalo nakuzo izinkabi. ¹³ Alosa iphasika ngomlilo njengokomthetho , neminikelo engcwele ayos a emakhanzini, nasezocweni, nasemabhodweni, ashesha akuletha kubantu besizwe. ¹⁴ Ngasemuva azilungiselela wona nabapristi, ngokuba abapristi, amadodana ka-Aroni, babesekunikeleni iminikelo namanoni kwaze kwaba sebusuku ; ngalokho amaLevi azilungiselela wona nabapristi, amadodana ka-Aroni. ¹⁵ Abahlabeleli, amadodana ka -Asafa, babe sendaweni yabo njengokwesiyalezo sikaDavide , no-Asafa, noHemani, noJeduthuni umboni wenkosi; abalindisango babengasesangweni; kwakungadingeki ukuba basuke emsebenzini wabo, ngokuba abafowabo amaLevi babalungisela. ¹⁶ Yayisilungiswa-ke inkonzo kaJehova ngalusuku lunye ukwe nza iphasika nokunikela ngeminikelo yokushiswa e -altare likaJehova njengesiyalezo senkosi uJosiya. ¹⁷ Abantwana bakwa -Israyeli ababekhona balenza iphasika ngaleso sikha thi nomkhosi wesinkwa esingenamvubelo izinsuku eziyisikhombisa. ¹⁸ Alenziwanga iphasika elinjengalelo kwa -Israyeli kusukela emihleni kaSamuweli umprofethi , nawo onke amakhosi akwa -Israyeli awenzanga iphasika elinjengalelo elenziwa nguJosiya, nabapristi, namaLevi, naye wonke uJuda no-Israyeli owayekhona, kanye nabakhileyo eJerusalema. ¹⁹ Ngomnyaka weshumi nesishiyagalombili wokubusa kukaJosiya leli phasika lenziwa. Ukufa kukaJosiya ²⁰ Emva kwakho konke lokho uJosiya eselilungisile ithempeli , uNekho inkosi yaseGibithe wenyuka ukulwa neKharikemishi ngase -Ewufrathe; uJosiya waphuma ukumhlangabeza. ²¹ Kepha wathuma izithunywa , wathi: Nginamsebenzi muni nawe nkosi yakwaJuda na? Angiphambene nawe namuhla , kepha ngiphambene nendlu engilwa nayo ; uNkulunkulu ungitshelile ukuba ngisheshe ; mgweme uNkulunkulu onami ukuba angakuchithi. ²² Kepha uJosiya akaphendukanga kuye, kodwa waziguqula ukuba alwe naye; akalalelanga amazwi kaNekho emlonyeni kaNkulunkulu , weza ukulwa esigodini saseMegido. ²³ Abacibishelayo bacibishela inkosi ; inkosi yathi ezincekwini zayo : Ngikhipheni, ngokuba ngikhutshaziwe kakhulu. ²⁴ Izinceku zayo zayikhipha enqoleni , zayikhwelisa enqoleni yesibili eyayinayo, zayiyisa eJerusalema ; yafa, yembelwa emathuneni awoyise . Wonke uJuda neJerusalema bamlilela uJosiya. ²⁵ Naye uJeremiya wamlilela uJosiya ; bonke abahlabeleli besilisa nabesifazane bakhuluma ngoJosiya ekulileni kwabo kuze kube namuhla ; bakwenza kwaba yisimiso kwa-Israyeli; bheka, kulotshiwe eziLilweni. ²⁶ Ezinye izindaba zikaJosiya , nezenzo zakhe ezinhle nj engokulotshiweyo emthethweni kaJehova, ²⁷ nezindaba zakhe , ezokuqala nezokugcina , bheka, zilotshiwe encwadini yamakhosi akwa-Israyeli nakwaJuda.