¹ Kepha, bazalwane, ngiyanikhumbuza ivangeli enganishumayeza lona nenalamukelayo nenimi kulo, ² nenisindiswa ngalo , nxa nibambelela ezwini enganishumayeza lona , uma kambe ukukholwa kwenu kungabanga yize. ³ Ngokuba okokuqala nganinika lokho engakwamukela nami uk uthi uKristu wafa ngenxa yezono zethu njengokwemibhalo, ⁴ nokuthi wembelwa , nokuthi wavuswa kwabafileyo ngosuku lwesithathu njengokwemibhalo, ⁵ nokuthi wabonwa nguKhefase; wayesebonwa ngabayishumi nambili; ⁶ emva kwalokho wabonwa ngasikhathi sinye ngabazalw ane abadlula amakhulu ayisihlanu , iningi labo lisekhona nakalokhu , kepha abanye sebelele; ⁷ emva kwalokho wabonwa nguJakobe ; ngasemuva wabonwa ngabaphostoli bonke; ⁸ ekugcineni kwabo bonke wabonwa nayimina enginjengozelwe kungakabi yisikhathi. ⁹ Ngokuba min a ngingomncinyane kubaphostoli , engingafanele ukuthiwa umphostoli, ngokuba ngazingela ibandla likaNkulunkulu. ¹⁰ Kepha ngomusa kaNkulunkulu ngiyikho engiyikho , nomusa wakhe kimi awubanga yize, kodwa ngasebenza kakhulu kunabo bonke ; kepha akusimina kodwa ngumusa kaNkulunkulu okimi. ¹¹ Ngakho-ke noma kuyimina noma kuyibona, sishumayela kanjalo, nakholwa kanjalo. ¹² Kepha-ke uma uKristu eshunyayelwa ukuthi uvusiwe kwabafileyo , basho kanjani abanye phakathi kwenu ukuthi akukho ukuvuka kwabafileyo na? ¹³ Kepha uma kungekho ukuvuka kwabafileyo, akavuswanga naye uKristu. ¹⁴ Kepha uma uKristu engavuswanga kwabafileyo , ukushumayela kwethu kuyize, nokukholwa kwenu kuyize. ¹⁵ Yebo, sifunyanwa singofakazi bamanga ngoNkulunkulu , ngokuba safakaza ngoNkulunkulu ukuthi wamvusa u Kristu, angamvusanga kambe, uma kanti abafileyo bengavuswa. ¹⁶ Ngokuba uma abafileyo bengavuswa, akavuswanga naye uKristu. ¹⁷ Kepha uma uKristu engavuswanga , ukukholwa kwenu akusizi lutho , nisesezonweni zenu. ¹⁸ Khona-ke nalabo asebalala bekuKristu babhubhile. ¹⁹ Uma singabathembela kuKristu kulokhu kuphila kuphela , singabokukhalelwa kunabantu bonke. ²⁰ Kepha kalokhu uKristu uvusiwe kwabafileyo, engulibo lwabaleleyo. ²¹ Ngokuba lokhu ukufa kweza ngomuntu , ukuvuka kwabafileyo nakho kweza ngomuntu. ²² Ngokuba njengalokhu ku-Adamu bonke bayafa , ngokunjalo futhi kuKristu bonke bayakuphiliswa. ²³ Kepha yilowo nalowo ngesigaba sakhe : uKristu kuqala , bese kuba ngabangabakaKristu ekufikeni kwakhe, ²⁴ andukuba kufike ukuphela , nxa enikela umbuso kuNkulunkulu uYise , lapho esechithile ukubusa konke, nobukhosi bonke, namandla. ²⁵ Ngokuba umelwe ukubusa , aze abeke izitha zonke phansi kwezinyawo zakhe. ²⁶ Isitha sokugcina esiyakuchithwa singukufa. ²⁷ Ngokuba izinto zonke uzithobisele phansi kwezinyawo zakhe . Kepha nxa ethi: Izinto zonke zithotshisiwe , kusobala ukuthi ungaphandle kwazo yena ozithobisele phansi kwakhe. ²⁸ Kodwa nxa izinto zonke sezithotshiselwe phansi kwakhe , lapho-ke nayo iNdodana iyakuzithoba phansi kwalowo owathobisa zonke izinto phansi kwayo, ukuze uNkulunkulu abe yikho konke kukho konke. ²⁹ Pho, bayakwenze njani ababhapathizelwa abafileyo na ? Uma abafileyo bengavuki nempela, babhapathizelwani ngenxa yabo na? ³⁰ Futhi sizifakelani thina engozini imizuzu yonke na? ³¹ Bazalwane, ngiyaqinisa ngokubongwa enginakho n genxa yenu kuKristu Jesu iNkosi yethu, ngiyafa mihla yonke. ³² Uma ngalwa nezilo e -Efesu ngokwabantu , nginanzuzoni? Uma abafileyo bengavuki, masidle, siphuze, ngokuba ngomuso sizakufa. ³³ Ningakhohliswa; ukujwayelana nababi konakalisa ukuziphatha okuhle. ³⁴ Phaphamani ngokufaneleyo, ningoni; ngokuba abanye kabamazi uNkulunkulu; ngisho lokhu ukuba nibe namahloni. ³⁵ Kepha omunye uyakuthi: Abafileyo bavuswa kanjani na? Beza benamzimba muni na? ³⁶ Wena ongaqondiyo , lokho okuhlwanyelayo wena akutholi ukuphila kungafanga; ³⁷ futhi lokho okuhlwanyelayo awuhlwanyeli umzimba ozakuba khona kepha uhlamvu oluze, noma kungaba ngolukakolweni, noma kungaba ngolokunye; ³⁸ kepha uNkulunkulu ulunika umzimba njengokuthanda kwakhe , yileyo naleyo mbewu owayo umzimba. ³⁹ Inyama yon ke ayinhlobonye , kepha enye ngeyabantu , enye yinyama yezilwane, enye yinyama yezinyoni, enye ngeyezinhlanzi. ⁴⁰ Ikhona nemizimba yasezulwini nemizimba yasemhlabeni; kepha inkazimulo yeyasezulwini iyodwa, neyasemhlabeni iyodwa. ⁴¹ Iyodwa inkazimulo yelanga , iyodwa inkazimulo yenyanga , iyodwa inkazimulo yezinkanyezi; yebo, enye inkanyezi yahlukile kwenye inkanyezi ngokukhazimula. ⁴² Kunjalo nokuvuka kwabafileyo . Kuhlwanyelwa kunokubola , kuvuswa kungenakubola; ⁴³ kuhlwanyelwa kunokudelwa, kuvuswa kunenkazimulo ; kuhlwanyelwa kunobuthakathaka, kuvuswa kunamandla. ⁴⁴ Kuhlwanyelwa kungumzimba wemvelo , kuvuswa kungumzimba womoya . Uma ukhona umzimba wemvelo, ukhona nowomoya. ⁴⁵ Kanjalo futhi kulotshiwe ukuthi umuntu wokuqala u-Adamu waba ngumphefumulo ophilayo; u-Adamu wokugcina waba ngumoya ophilisayo. ⁴⁶ Kepha okokuqala akusikho okomoya kodwa okwemvelo ; bese kuba ngokomoya. ⁴⁷ Umuntu wokuqala wavela emhlabeni , engowenhlabathi; umuntu wesibili uvela ezulwini. ⁴⁸ Njengokuba enjalo owayengowenhlabathi , banjalo nalabo abangabenhlabathi; nanjengokuba enjalo ongowasezulwini , banjalo nabo abangabasezulwini. ⁴⁹ Futhi njengokuba besinesimo songowenhlabathi , siyakuba nesimo songowasezulwini futhi. ⁵⁰ Kepha ngisho lokhu , bazalwane, ukuthi inyama negazi akunakulidla ifa elingumbuso kaNkulunkulu; nokubola akulidli ifa elingukungaboli. ⁵¹ Bhekani, ngiyanitshela imfihlakalo; asiyikulala sonke, kepha siyakuguqulwa sonke, ⁵² ngesikhashanyana, ngokuphazima kweso , ngecilongo lokugcina ; ngokuba icilongo liyakukhala, abafileyo bavuswe bengenakubola, thina siguqulwe. ⁵³ Ngokuba lokhu okubolayo kumelwe ukwembatha ukungaboli , nalokhu okufayo kumelwe ukwembatha ukungafi. ⁵⁴ Kepha nxa lokhu okubolayo sekwembethe ukungaboli, nalokhu okufayo sekwembethe ukungafi, kuzakugcwaliseka izwi elilotshiweyo lokuthi : Ukufa kugingiwe kwaba ngukunqoba. ⁵⁵ Kufa, kuphi ukunqoba kwakho na? Kufa, luphi udosi lwakho na? ⁵⁶ Udosi lokufa yisono; amandla esono ngumthetho. ⁵⁷ Kepha makabongwe uNkulunkulu osinika ukunqoba ngeNkosi yethu uJesu Kristu. ⁵⁸ Ngakho-ke, bazalwane bami abathandekayo, yibani ngabagxilile , abangaxegiyo, abavame njalo emsebenzini weNkosi , nazi ukuthi ukusebenza kwenu akusilo ize eNkosini.