¹ Bhekani uthando olungaka asinike lona uBaba lokuba sithiwe singabantwana bakaNkulunkulu; futhi siyibo. Ngalokho izwe alisazi, ngokuba alimazanga yena. ² Bathandekayo, manje singabantwana bakaNkulunkulu , kepha akukabonakali esiyakuba yikho . Siyazi ukuthi , nxa ebonakaliswa , siyakuba njengaye, ngokuba siyakumbona njengokuba enjalo. ³ Bonke abanalo lelo themba kuye baya zihlambulula, njengokuba yena ehlambulukile. ⁴ Bonke abenza isono bayeqa nomthetho , ngokuba isono singukweqa umthetho. ⁵ Senazi ukuthi yena wabonakaliswa, ukuze asuse izono; akukho sono kuye. ⁶ Lowo ohlala kuye akoni; lowo owonayo akambonanga, futhi akamazi. ⁷ Bantwanyana, maningadukiswa muntu ; owenza ukulunga ulungile , njengokuba yena elungile; ⁸ owenza isono ungokaSathane , ngokuba uSathane uyona kwasekuqaleni . INdodana kaNkulunkulu yabonakaliswa ngalokhu , ukuze ichithe imisebenzi kaSathane. ⁹ Lowo ozelwe nguNkulunkulu akenzi isono , ngokuba imbewu yakhe ihlala kuye; futhi akanakona, ngokuba uzelwe nguNkulunkulu. ¹⁰ Ngalokho kubonakala abantwana bakaNkulunkulu nabantwana bakaSathane; lowo ongenzi ukulunga akasiye okaNkulunkulu , naye ongamthandi umzalwane wakhe. ¹¹ Nanti izwi enalizwayo kwasekuqaleni lokuba sithandane, ¹² kungabi njengoKayini owaba ngowomubi , wabulala umfowabo ; wambulalelani na? Ngokuba imisebenzi yakhe yayimibi , kepha eyomfowabo yayilungile. Uthando lwabazalwane ¹³ Ningamangali, bazalwane, uma izwe linizonda. ¹⁴ Siyazi ukuthi sidlulile ekufeni , sangena ekuphileni , ngokuba sithanda abazalwane; ongathandiyo uhlezi ekufeni. ¹⁵ Lowo ozonda umzalwane wakhe ungumbulali ; niyazi ukuthi akukho mbulali onokuphila okuphakade okuhlezi kuye. ¹⁶ Uthando silw azi ngalokho ukuthi yena wabeka ukuphila kwakhe ngenxa yethu; nathi sifanele ukubeka ukuphila ngenxa yabazalwane. ¹⁷ Kepha yena onemfuyo yezwe , ebona umzalwane wakhe eswele , amvalele isihawu sakhe, uthando lukaNkulunkulu lungahlala kanjani kuye na? ¹⁸ Bantwanyana, masingathandi ngezwi nangolimi , kodwa ngezenzo nangeqiniso. Ukuba nesibindi phambi kukaNkulunkulu ¹⁹ Ngalokho siyazi ukuthi singabeqiniso ; sizakuyithulisa inhliziyo yethu phambi kwakhe ²⁰ ngokuthi uma inhliziyo yethu isilahla , uNkulunkulu mkhulu kune nhliziyo yethu, futhi uyazi konke. ²¹ Bathandekayo, uma inhliziyo ingasilahli, sinesibindi kuNkulunkulu, ²² nesikucelayo siyakukwamukeliswa nguye, ngokuba sigcina imiyalo yakhe , senza okuthandekayo ebusweni bakhe. ²³ Yilo umyalo wakhe ukuba sikholwe egamen i leNdodana yakhe uJesu Kristu, sithandane, njengokuba asinika umyalo. ²⁴ Ogcina imiyalo yakhe uhlala kuye , naye uqobo uhlala kuye ; siyazi ngalokho ukuthi uhlala kithi ngaye uMoya asinike yena.