¹ UDavide wayesemdala , esanelisiwe yizinsuku ; wambeka uSolomoni indodana yakhe abe yinkosi kwa-Israyeli. ² Wabutha zonke izikhulu zakwa-Israyeli kanye nabapristi namaLevi. ³ AmaLevi abalwa kusukela kwaneminyaka engamashumi amathathu kuya phezulu; umumo wawo ngezinhloko zawo , indoda ngendoda , wawuyizinkulungwane ezingamashumi amathathu nesishiyagalombili. ⁴ Ayizinkulungwane ezingamashum i amabili nane kuwona ayengawokwengamela umsebenzi wendlu kaJehova ; izinkulungwane eziyisithupha zaziyizinduna nabahluleli; ⁵ izinkulungwane ezine zazingabalindisango; izinkulungwane ezine ziyakudumisa uJehova ngezinto zokubethwa engazenzayo , washo uDavide , ukuba zidumise ngazo. ⁶ UDavide wabahlukanisa ngezigaba njengamadodana kaLevi : oGereshoni, noKohati, noMerari. ⁷ KumaGereshoni: ngoLadani noShimeyi. ⁸ Amadodana kaLadani : nguJehiyeli inhloko , noZethamu, noJoweli, bebathathu. ⁹ Amadodana kaShimeyi : ngoShelomoti, noHaziyeli, noHarana, bebathathu. Labo babe yizinhloko zawoyise bakaLadani. ¹⁰ Amadodana kaShimeyi : ngoJahati, noZina, noJewushe, noBeriya. Labo bobane babe ngamadodana kaShimeyi. ¹¹ UJahati wayeyinhloko , noZiza ngowesibili ; kepha oJewushe noBeriya babengenamadodana amaningi; ngalokho baba yindlu inye kayise , bebalwa kanyekanye. ¹² Amadodana kaKohati : ngo-Amramu, noJisihari, noHebroni, no-Uziyeli, bebane. ¹³ Amadodana ka-Amramu: ngo-Aroni noMose; u-Aroni wahlukaniswa ukuba angcwelise izinto ezingcweleng cwele, yena namadodana akhe , kuze kube phakade, ukushisa impepho phambi kukaJehova , nokumkhonza, nokubusisa egameni lakhe kuze kube phakade. ¹⁴ Kepha uMose , lowo muntu kaNkulunkulu , amadodana akhe abizwa ngesizwe sakwaLevi. ¹⁵ Amadodana kaMose: ngoGereshomu no-Eliyezeri. ¹⁶ Amadodana kaGereshomu: nguShebuweli owayeyinhloko. ¹⁷ Amadodana ka-Eliyezeri: nguRehabiya inhloko . U-Eliyezeri wayengenawo amanye amadodana; kepha amadodana kaRehabiya ayemaningi kakhulu. ¹⁸ Amadodana kaJisihari: nguShelomiti inhloko. ¹⁹ Amadodana kaHebroni : nguJeriya inhloko , no-Amariya owesibili , noJahaziyeli owesithathu, noJekameyamu owesine. ²⁰ Amadodana ka-Uziyeli: nguMika inhloko noJishiya owesibili. ²¹ Amadodana kaMerari : ngoMaheli noMushi . Amadodana kaMaheli : ngo- Eleyazare noKishi. ²² U-Eleyazare wafa engenamadodana , enamadodakazi odwa ; abafowabo, amadodana kaKishi, bawathatha. ²³ Amadodana kaMushi: ngoMaheli, no-Edere, noJeremoti, bebathathu. ²⁴ Yilabo ababe ngamadodana kaLevi ngezindlu zawoyise, izinhloko zawoyise, bebalwa ngomumo wamaga ma ngezinhloko zabo , abawenza umsebenzi wenkonzo yendlu kaJehova , kusukela kwabaneminyaka engamashumi amabili kuya phezulu. ²⁵ Ngokuba uDavide wathi : UJehova uNkulunkulu ka -Israyeli unike abantu bakhe ukuphumula; uhlezi eJerusalema kuze kube phakade; ²⁶ namaLevi awasayikuthwala itabernakele nazo zonke izinto zalo zenkonzo yalo. ²⁷ Ngokuba amadodana kaLevi abalwa ngamazwi okugcina kaDavide , kusukela kwaneminyaka engamashumi amabili kuya phezulu. ²⁸ Ngokuba indawo yawo yayingasesandleni samadodana ka-Aroni ukukhonza endlini kaJehova, nasemagcekeni, nasemakamelweni, nokuhlambulula zonke izinto ezingcwele, nomsebenzi wenkonzo endlini kaNkulunkulu, ²⁹ eyezinkwa zokubukwa , neyempuphu ecolekileyo yomnikelo wempuphu , neyemiqathane engenamvubelo , neyokuphekwe ekhanzini , neyexutshanisiweyo, neyazo zonke izilinganiso nobukhulu; ³⁰ nokuma njalo ekuseni ukubonga nokudumisa uJehova, kanjalo nakusihlwa; ³¹ nokunikela njalo ngayo yonke iminikelo yokushiswa kuJehova ngamasabatha, nangokwethwasa kwenyanga , nanemikhosi emisiweyo ngomumo onjengomthetho wabo, phambi kukaJehova; ³² bayakugcina imfanelo yetende lokuhlangana , nemfanelo yendawo engcwele, nemfanelo yamadodana ka -Aroni abafowabo ekukhonzeni endlini kaJehova.