¹ Wazakhela izindlu emzini kaDavide ; walungisela umphongolo kaNkulunkulu indawo, wawumisela itende. ² Khona uDavide wathi : Umphongolo kaNkulunkulu nga ungathwalwa muntu, ngamaLevi kuphela , ngokuba yiwona akhet hwe nguJehova ukuthwala umphongolo kaNkulunkulu nokumkhonza kuze kube phakade. ³ UDavide wabuthela wonke u -Israyeli eJerusalema ukukhuphulela umphongolo kaJehova endaweni yawo awulungisele yona. ⁴ UDavide wabutha amadodana ka-Aroni namaLevi; ⁵ kumadodana kaKo hati: ngu-Uriyeli inhloko nabafowabo , beyikhulu namashumi amabili; ⁶ kumadodana kaMerari : ngu-Asaya inhloko nabafowabo , bengamakhulu amabili namashumi amabili; ⁷ kumadodana kaGereshomu : nguJoweli inhloko nabafowabo , beyikhulu namashumi amathathu; ⁸ kumadodana ka-Elisafani: nguShemaya inhloko nabafowabo, bengamakhulu amabili; ⁹ kumadodana kaHebroni : ngu-Eliyeli inhloko nabafowabo , bengamashumi ayisihiyagalombili; ¹⁰ kumadodana ka -Uziyeli: ngu-Aminadaba inhloko nabafowabo , beyikhulu neshumi nambili. ¹¹ UDavide wabiza oSadoki no -Abiyathara abapristi, namaLevi o-Uriyeli, no- Asaya, noJoweli, noShemaya, no-Eliyeli, no-Aminadaba, wathi kubo: ¹² Nina niyizinhloko zezindlu zawoyise bamaLevi ; zingcweliseni nina nabafowenu ukuba niwukhuphulele umphongolo kaJehova uNkulunkulu ka- Israyeli endaweni engiyilungisele wona. ¹³ Ngokuba ngenxa yokungawuthwali kwenu kuqala uJehova uNkulunkulu wethu wafohla kithina, ngokuba singamfunanga njengomthetho. ¹⁴ Base bezingcwelisa abapristi namaLevi ukuba bawukhuphule umphongolo kaJehova uNkulunkulu ka-Israyeli. ¹⁵ Abantwana bamaLevi bawuthwala umphongolo kaNkulunkulu emahlombe abo ngezinti zawo njengokuyala kukaMose ngezwi likaJehova. ¹⁶ UDavide washo ezinduneni zamaLevi ukuba zibeke abafowabo abahlabeleli, benezinto zokubetha , izingubhu, namahabhu, namasimbali, bakubethe, baphakamise izwi labo ngokuthokoza. ¹⁷ AmaLevi ayesebeka uHemani indodana kaJoweli , nakubafowabo u -Asafa indodana kaBerekiya , nakumadodana kaMerari , abafowabo, u-Ethani indodana kaKushaya, ¹⁸ bekanye nabo abafowabo besigaba sesibili: oZakariya, noBeni, noJahaziyeli, noShemiramoti, noJehiyeli, no-Uni, no-Eliyabe, noBenaya, noMahaseya, noMatithiya, no-Elifelehu, noMikineya, no-Obede Edomi , noJehiyeli, abalindisango, ¹⁹ nabahlabeleli oHemani no -Asafa no -Ethani ukuba bakhalise amasimba li ethusi, ²⁰ noZakariya, no-Aziyeli, noShemiramoti, noJehiyeli, no-Uni, no-Eliyabe, noMahaseya, noBenaya ukuba babe nezingubhu ezilungiselwe i-Alamoti, ²¹ noMatithiya, no-Elifelehu, noMikineya, no-Obede Edomi , noJehiyeli, no- Azaziya ukuba babe namahabhu alungiselwe iSheminiti ukuba bahole. ²² UKhenaniya induna yamaLevi wayephethe umsebenzi wokuthwala ; wayefundisa ukuthwala ngokuba wayekwazi. ²³ OBerekiya no-Elkana babe ngabalindisango bomphongolo. ²⁴ OShebaniya, noJehoshafati, noNethaneli, no-Amasayi, noZakariya, noBenaya, no-Eliyezeri, abapristi, bashaya amacilongo phambi komphongolo kaNkulunkulu; o-Obede Edomi noJehiya babe ngabalindisango bomphongolo. ²⁵ UDavide namalunga akwa -Israyeli nezinduna zezinkulungwane baya ukuwukhuphula umphongolo wesivumelwano sika Jehova endlini ka -Obede Edomi ngokuthokoza; ²⁶ kwathi lapho uNkulunkulu esesizile amaLevi awuthwala umphongolo wesivumelwano sikaJehova , anikela ngezinkunzi eziyisikhombisa nangezinqama eziyisikhombisa. ²⁷ UDavide wayembethe ingubo yelineni elicolekileyo kan ye nawo onke amaLevi ayethwala umphongolo , nabahlabeleli, noKhenaniya induna yokuthwala kwabahlabeleli; uDavide wayenengubo yamahlombe yelineni. ²⁸ Wonke u -Israyeli wawukhuphula kanjalo umphongolo wesivumelwano sikaJehova ngokukhamuluka nangezwi lomtshingo , nangamacilongo, nangamasimbali, ebetha izingubhu namahabhu. ²⁹ Kwathi lapho umphongolo wesivumelwano sikaJehova usungena emzini kaDavide, uMikhali indodakazi kaSawule walunguza efasiteleni , wabona inkosi uDavide isina, idlala; wayidelela enhliziyweni yakhe.