¹ URehobowamu waya eShekemi , ngokuba wonke u -Israyeli wayefikile eShekemi ukumbeka inkosi. ² Kwathi lapho uJerobowamu indodana kaNebati ekuzwile -- ngokuba wayeseGibithe, lapho ayebalekele khona , ebalekele ubuso benkosi uSolomoni; wahlala-ke uJerobowamu eGibithe, ³ kepha bathuma bambiza -- uJerobowamu nebandla lonke lakwa -Israyeli beza, bakhuluma kuRehobowamu, bathi: ⁴ Uyihlo wenza ijoka lethu laba lukhuni ; ngalokho yenza wena ube lula umsebenzi olukhuni kayihlo nejoka lakhe elisindayo owalibeka ph ezu kwethu, siyakukukhonza. ⁵ Wathi kubo: Hambani izinsuku zibe zintathu, bese nibuyela kimi. Basuka-ke abantu. ⁶ Inkosi uRehobowamu yelulekana namalunga ayemile phambi kukaSolomoni uyise, esekhona, yathi: Nina ningeluleka ukubuyisela mpenduloni kulaba bantu na? ⁷ Akhuluma kuye , athi: Uma uyakuba yinceku yalaba bantu namhla nje , ubakhonze, ubaphendule, ukhulume amazwi amahle kubo , bayakuba yizinceku zakho izinsuku zonke. ⁸ Kepha walahla isiluleko samalunga ameluleke ngaso, welulekana nezinsizwa eziyintanga yakhe, ezazimi phambi kwakhe. ⁹ Wathi kuzo : Nina ningeluleka ukuba sibuyisele mpenduloni kulaba bantu abakhulume kimi ngokuthi : Yenza ijoka uyihlo alibeka phezu kwethu libe lula, na? ¹⁰ Zase zikhuluma kuye izinsizwa eziyintanga yakhe , zithi: Uyakusho kanje kulaba bantu abakhulume kuwe ngokuthi : U yihlo walenza ijoka lethu lasinda, kepha wena ulenze libe lula kithina, uyakukhuluma kanje kubo, uthi: Ucikicane wami mkhulu kunokhalo lukababa. ¹¹ Manje ubaba wanithwesa ijoka elisindayo , mina ngiyakwenezela ejokeni lenu; ubaba wanishaya ngeziswebhu, mina ngiyakunishaya ngawofezela. ¹² UJerobowamu nabantu bonke base befika kuRehobowamu ngosuku lwesithathu njengokusho kwenkosi, ithi: Buyelani kimi ngosuku lwesithathu. ¹³ Inkosi yaphendula abantu kalukhuni , yalahla isiluleko samalunga ameluleke ngaso, ¹⁴ yakhuluma kubo njengesiluleko sezinsizwa ngokuthi : Ubaba walenza ijoka lenu lasinda , mina ngiyakwenezela ejokeni lenu ; ubaba wanishaya ngeziswebhu, mina ngiyakunishaya ngawofezela. ¹⁵ Inkosi ayilalelanga abantu , ngokuba kwakuyi siyiba esivela kuJehova , ukuze amise izwi lakhe uJehova alikhulumayo ngesandla sika -Ahiya waseShilo kuJerobowamu indodana kaNebati. ¹⁶ Wonke u-Israyeli esebonile ukuthi inkosi ayibalalelanga, abantu babuyisela izwi enkosini , bathi: Sinasabelo sini kuDavide na? Ifa asinalo endodaneni kaJese. Yana ematendeni akho , Israyeli, zibhekele indlu yakho manje , Davide. Wayesesuka u-Israyeli, waya ematendeni akhe. ¹⁷ Kepha abantwana bakwa -Israyeli abakhe emizini yakwaJuda , uRehobowamu wabusa phezu kwabo. ¹⁸ Inkosi uReho bowamu yathuma u-Adoramu owayephezu kwezisebenzi ; u- Israyeli wonke wamkhanda ngamatshe, wafa. Inkosi uRehobowamu yashesha ukukhwela inqola yayo ukuba ibalekele eJerusalema. ¹⁹ U-Israyeli wayeseyihlubuka-ke indlu kaDavide kuze kube namuhla. Ukumiswa kukaJerobowamu; isiprofetho sikaShemaya ²⁰ Kwathi wonke u -Israyeli esezwile ukuthi uJerobowamu ubuyile , bathuma bambizela emhlanganweni , bambeka inkosi phezu kuka -Israyeli wonke ; akubangakho muntu olandela indlu kaDavide, isizwe sakwaJuda kuphela. ²¹ URehobowamu es efikile eJerusalema wabutha yonke indlu yakwaJuda nesizwe sakwaBenjamini , abantu abakhethiweyo abayizinkulungwane eziyikhulu namashumi ayisishiyagalombili , amabutho, ukuba balwe nendlu yakwa-Israyeli, bawubuyisele umbuso kuRehobowamu indodana kaSolomoni. ²² Lase lifika izwi likaNkulunkulu kuShemaya umuntu kaNkulunkulu, lathi: ²³ Khuluma kuRehobowamu indodana kaSolomoni inkosi yakwaJuda, nakuyo yonke indlu yakwaJuda neyakwaBenjamini, nakubantu abaseleyo, ngokuthi: ²⁴ Usho kanje uJehova , uthi: Aniyikukhuphuka, ningalwi nabafowenu abantwana bakwa -Israyeli; buyelani, kube yilowo nalowo endlini yakhe , ngokuba le nto ivela kimi . Balalela izwi likaJehova , babuya, bahamba njengokusho kukaJehova. ²⁵ UJerobowamu waqinisa iShekemi ezintabeni zakwa -Efrayimi, wahlala khona; waphuma lapho, waqinisa iPhenuweli. ²⁶ UJerobowamu wathi enhliziyweni yakhe : Manje umbuso uyakubuyela endlini kaDavide. ²⁷ Uma laba bantu benyuka ukunikela ngemihlatshelo endlini kaJehova eJerusalema, inhliziyo yalaba bantu iyakuphindela enkosini yabo , kuRehobowamu inkosi yakwaJuda , bangibulale mina , babuyele kuRehobowamu inkosi yakwaJuda. ²⁸ Inkosi isithathe isiluleko , yenza amathole amabili egolide , yathi kubo : Sekwanele ukuba nikhuphukele eJerusalema ; bheka onkulunkulu bakho , Israyeli, abakukhuphula ezweni laseGibithe. ²⁹ Wabeka elinye eBethele, elinye walibeka kwaDani. ³⁰ Leyo nto yaba yisono, ngokuba abantu baya phambi kwelinye nakwaDani. ³¹ Wakha nezindlu zezindawo eziphakemeyo , wenza abapristi ngeningi labantu abangesiwo amadodana kaLevi. ³² UJerobowamu wagubha umkhosi ngenyanga yesishiyagalombili ngosuku lweshumi nanhlanu lwenyanga njengomkhosi wakwaJuda , wenyukela e - altare; wenze njalo eBethele ukuba ahlabele amathole awenzileyo ; wabeka eBethele abapristi bezindawo eziphakemeyo azenzileyo. ³³ Wayesenikela e -altare alenzileyo ngosuku lweshumi nanhlanu lwenyanga yesishiyagalombili, inyanga abeyinqumile ngokwakhe nje ; wenzela abantwana bakwa-Israyeli umkhosi, wenyukela e-altare ukushisa impepho.